【新手懶人包】一碗靚白飯就從洗米開始！教您點樣煮出好食日本米

稻米文化於日本根深柢固，白飯可謂日本人餐桌上不可或缺嘅重要角色。只不過，究竟要點樣煮，先可以煮出好食嘅日本米呢？一眾「飯桶」必知嘅日本人煮飯步驟以及貼士，就交由FUN! JAPAN編輯部馬上為您一一介紹啦！

洗米

Step 1

先精準量度白米份量，用量杯或電子磅皆可。日本人習慣使用「1合」、「2合」作為量米嘅單位，「1合」即150g。

STEP 2

使用「軟水（所溶礦物質成分較少嘅水）」洗米。將軟水倒入裝有白米嘅容器，隨便攪洗後即可立即瀝水。

TIPS

由於乾燥狀態下嘅米粒最容易吸水，因此緊記要喺米粒吸收污水前就要瀝水。用瀝水籃就最方便！

撥洗（研米）

STEP 1

於洗米籃等容器中撥洗米粒時，請重覆輕握按揉步驟。2合以下份量，請重覆以上動作約40次；3合份量則請重覆以上動作約50次。

STEP 2

將米粒輕輕攪拌沖洗後，倒掉洗米水。重覆STEP 2約3次後，即可用瀝水籃將米粒瀝乾！

將米粒加水浸泡約60分鐘

將米粒聯同水倒進容器內蓋好浸泡。重點有3：

1. 放入雪櫃冷凍約60分鐘
2. 使用軟水效果更佳
3. 米水比例為每1合白米：190g水

做齊以上3點，有助米粒更均勻吸收水分，口感Q彈、較有光澤！

開始煲飯！

STEP 1

浸水後，請用手指頭輕輕按壓米粒，如果係微微糊化狀態就最理想！下一步，就係用電飯煲煮飯嘅時間，當然您都可以傳統煲加熱啦！

STEP 2

飯煮好後，請立即攪勻。留意，攪勻時請避免飯𢳂壓平飯粒，而係從底部𢳂起，讓多餘水氣有空間散走，咁就可以令白飯食起上嚟更有口感！

有人鍾意喺煮好飯後就立即食，亦有人會選擇先等個30分鐘、令白飯焗一陣後先再食。

煮好嘅飯應該點樣保存？

如果想將煮好嘅飯留待下次再食，請記得要將新鮮煮好嘅飯趁熱分成細份並立即放入雪櫃，咁樣就可以避免有損飯味及口感喇～

等白飯攤凍後，就可以將白飯攤平壓扁、用保鮮紙包好，再喺外層包上一層錫紙後，就可以放入雪櫃保存喇～