長野縣阿智村內除咗可以睇到「日本第一星空」，仲坐擁著名「昼神溫泉」。阿智川清澈河岸兩側嘅溫泉旅館櫛次鱗比，加上被譽為「美人之湯」嘅昼神之泉、日本第一燦爛星空，以及四季變幻嘅雄壯自然美景，因此當地長年都吸引唔少遊客專程嚟浸溫泉朝聖，令阿智村發展成相當熱鬧嘅人氣溫泉區。
昼神溫泉鄉概要
從東京、大阪出發乘搭高速巴士，只需約3個半鐘車程，即可抵達南信州代表性溫泉區—昼神溫泉。溫泉區環抱群山，沿著天龍川支流阿智川沿岸而建嘅大大小小約20間溫泉旅館熱氣裊裊而上。
昼神溫泉鄉特色之一，係能夠飽覽大自然絕美景色。每當春季，都會有將近5000棵紅、白、粉紅桃花樹盛開綻放，為整座村莊添上鮮艷顏色。夜晚時，遊客可以喺無霓虹燈、漆黑一片嘅村莊中，眺望滿天繁星夜空，享受銀河浩瀚之美。
美肌之泉 療癒身心
昼神溫泉素來有「美肌之泉」嘅美譽。鹼性泉質成分能夠去除肌膚老舊角質，有令肌膚變光滑嘅效果，再加上泉水中富含保濕成分中不可或缺嘅鈉離子跟氯離子，浸完溫泉後嘅肌膚份外顯得水嫩光滑！昼神溫泉鄉內約有20間溫泉旅館，方便大家盡情享受得天獨厚嘅天然溫泉。
即日來回嘅溫泉設施亦相當值得推薦！
昼神溫泉鄉內有一座名為「Yuttari-na Hirugami」嘅公營溫泉設施。內裡設備完善，除咗設有露天溫泉、大浴場、桑拿房、定點沖打溫泉、坐喺到甚至可以瞓喺到浸嘅溫泉之外，仲有20m深泳池、步行泳池跟按摩浴缸等等眾多設備。設施內備有用餐區，可以品嘗信州當地鄉土料理，還有稍作休息嘅房間，係一間唔需要住宿都可以一日盡情享受昼神溫泉嘅設施，小編都非常推薦大家去試吓！
想要輕鬆體驗溫泉的話，就去「足湯」浸足浴啦！
如果想喺漫步阿智川嘅途中，順便路過昼神溫泉輕鬆一下的話，免費足湯就係您嘅最佳選擇。昼神溫泉鄉內有「Fureai no yu（ふれあいの湯）」與「Ahiru no yu（あひるの湯）」兩座足湯，一邊浸著腳一邊聽著阿智川潺潺流水聲，簡直係chill爆體驗！
飽覽大自然變幻四季
被豐富變幻四季、自然恩惠環繞下嘅寧靜湯泉之村展現出日本原始風貌。試幻想，雙耳聆聽著從山麓流下嘅阿智川潺潺流水聲，身體浸泡於舒適優質嘅湯泉裡，身體與心靈疲憊仲唔立即一掃而空？
星空
昼神溫泉所在嘅阿智村係觀星人氣之地，過去更曾被日本環境省評為「日本最靚觀星地」。試想像一下，從溫泉鄉眺望流於夜幕嘅銀河以及熠熠生輝嘅星座，再伴隨著四季更迭嘅自然與風情，再享受「美肌之泉」帶來嘅療癒chill爆感覺，肯定可以一解內心嘅疲勞！
桃花
阿智村桃花亦非常著名。昼神溫泉鄉周圍設有1公里長嘅散步步道，每逢春天，步道旁3000多棵桃花都會一齊綻放，色彩繽紛美麗。
於朝市爆買當地特產！
溫泉街中心設有一座廣場，有一個朝市（朝早市集）以此為據點，一年365天每日朝早營業。商品由蘋果、西洋梨等農作物，到醃漬物、佃煮等加工食品，以及民工藝品與繩結飾品、麵包、和菓子等各類商品都應有盡有。市集仲會舉辦多個試食活動，趁住朝早晨運散步時，一邊散步一邊試食當地美食，都係非常唔錯嘅旅遊方式呢。
舉辦時間：4月～10月 6：00～8：00／11月～3月 6：30～8：00
昼神溫泉鄉交通方式
從東京「新宿高速巴士總站」或大阪「阪急三番街」乘坐高速巴士，即可順利前往昼神溫泉鄉。無論從東京或大阪出發，都只需約3個半小時，就可輕鬆抵達阿智村～
Comments