【日本長野】日本第一星空！「星空之村」阿智村

阿智村係一座位於長野縣南端與岐阜縣邊境交界嘅寧靜鄉村。村莊特徵在於擁有豐富自然資源，例如係坐擁南信州最大溫泉鄉嘅「昼神溫泉鄉」、滿天星光撒落嘅「日本第一星空」，以及可以欣賞到約1萬棵桃花盛開嘅「桃花祭」等。單單係2019年，就有超過130萬遊客造訪阿智村！

日本第一星空夜遊活動「天堂樂園」

因阿智村坐落嘅山脈交織錯綜，地形上能遮蔽夜間照明設備，所以能夠欣賞到最無污染最靚嘅星空。事實上，村莊亦獲日本環境省全國星空連續觀測認定為「能欣賞最明亮星星地點」第1名，於此地舉辦嘅「天堂樂園」星空夜遊活動因此大受歡迎！

星空夜遊活動地點定於海拔1,400米嘅高原滑雪場「天空園原 SNOW WORLD」。基本上成年每晚都會舉辦（部分日子會休息停辦），每年共吸引約15萬人遊客造訪。

太陽落山後，乘坐空中纜車抵達滑雪場山頂，眼前一片開闊草地就係星空夜遊活動會場。遊客將有機會於光雕投影等演出嘅同時，一邊聆聽導遊解說，一邊將醉人星空一覽無遺。

所有店舖、建築物都會將燈光熄掉，因此眼前嘅星空好比一座「天然星象儀」，映入眼簾嘅只有無數輝煌璀璨星星，堪稱一幅靚到令人窒息嘅絕景！

此外，由於阿智村地勢偏高與氣候嘅關係，因此即使係夏季觀星都或者覺得有少少寒冷，所以必須攜帶防寒衣物。山頂站附近亦設有商店，裡頭有販賣熱飲、湯品與西班牙churros等。

嚟到阿智村可以眺望到滿天星空，所以非常推薦在此留宿一晚，好好享受星空之樂。從「星空夜遊」會場搭車約10分鐘，您就會抵達南信州最大嘅溫泉鄉「昼神溫泉鄉」。

據講，「昼神溫泉鄉」起初係喺1973年試挖鐵路隧道時挖到溫泉湧出而被發現，其後就逐漸發展出呢片沿著阿智川綿延嘅山間閑靜溫泉地。拜富饒自然風景與豐富泉水量及其功效所賜，當地至今已成為一年有60萬人造訪嘅溫泉勝地。

順帶一提，昼神溫泉又被稱作「美肌之泉」。原因係因為此地泉水成分帶鹼性泉質，有去除老舊角質、打造光滑細緻肌膚之效，再加上內含豐富鈉離子跟氯離子等保濕不可或缺嘅成分，因此浸完溫泉後肌膚會呈現水嫩光滑呢！

此外，昼神溫泉鄉除咗溫泉以外，仲有其他觀光樂趣。阿智川沿岸每日朝早會設有販賣特產嘅早市，您可以穿著旅館浴衣外出，與當地居民交流，並順道搜購地方特產或手信。

阿智村內另一處溫泉「月川溫泉鄉」亦係日本全國數一數二嘅桃花勝地。每年4月中旬開始，桃花就會從山麓開始慢慢開花，到咗4月下旬～5月上旬盛開時期，約10,000棵桃花樹就會於村中開滿紅、白、粉紅鮮豔色花朵。於賞桃花最佳觀賞時期舉辦嘅「桃花祭」，亦每年吸引約20萬觀光客造訪。

桃花祭舉辦期間，除咗會有往來昼神溫泉鄉與月川溫泉鄉（桃花之村）嘅接駁巴士（採事前預約制・含稅1,000日圓），亦會有攤販進駐，滿足各位遊客享受美食與購物需要之餘，更會舉辦晚間點燈活動（日落～22:00左右為止），可以一次過體驗到有別於日頭嘅夢幻氛圍～

雖然喺地圖睇起嚟，阿智村感覺位於相當深山，但其實如果使用高速公路的話，無論係從關東定係近畿都能夠輕鬆順暢抵達。譬如從東京出發的話，從「新宿高速巴士總站」乘坐高速巴士就都非常方便。從大阪的話，亦有從「阪急三番街」出發嘅高速巴士。無論係東京或大阪，都只需要大約3個半鐘左右就可以直接抵達阿智村！