喺兩個圓形好似饅頭嘅餅上面，擺上一個柑吉。大家有無喺日本見過呢？其實呢個係日本新年會擺放嘅裝飾之一，稱為「鏡餅」。而將「鏡餅」切開的儀式就叫「開鏡」，係日本新年的傳統風俗習慣。點解新年要擺放「鏡餅」？而「開鏡（日文：鏡開き）」又有乜嘢意義呢？等我地一齊詳細解究吓！
乜嘢係「鏡餅」？
鏡餅據說係新年的神明—「年神樣」喺正月期間降臨嘅地方。所以喺新年或者喜慶時候，就擺放嚟供奉神明。大小兩個圓形嘅餅，有圓滿以及新一年累積起來的意思。而每一個部份都有意頭，係下面簡單說明。
- 橙：子孫代代繁盛（日文中，橙的發音是「だいだい(DAIDAI)」同代代的發音一樣）
- 御幣：紅色驅魔。祈求繁榮。
- 四方紅：消除災害，祈求繁榮
- 裏白：近求長壽
幾時舉行「鏡開」儀式？點解？
開鏡係將鏡餅切開，煮成「雑煮」或者「汁粉」等傳統新年食物作食用。食鏡餅嘅意思係借助年神樣的力量，祈求新年無病無災害。亦可以將鏡餅用油炸，加鹽或者醬油，當成「米餅」咁食又得。
開鏡儀式舉行的日子，一般會係屋企門松放置完結（至1月7日)後的1月11日。而亦有啲地方喺1月15日或者20日舉行開鏡。呢個儀式原本係發源於武將，由於如果切餅用刀嘅話，會連想到切腹，所以唔會用刀，而係用手或者木槌初餅。而由於「切」呢個字亦都唔好意頭，所以唔係切鏡餅，而起「開」，變成而家嘅「開鏡」儀式。
番外編：開大木筒酒都叫「鏡開」？
喺舖頭開張、婚禮等喜慶場面，相信有人會見過用木槌打開大木筒裝嘅樽酒吧！呢個以木槌用力打樽酒嘅儀式，亦係叫做「開鏡（日文：鏡開き）」。其中一個理由，據說係話用米釀造嘅日本酒有「令靈力加倍」嘅講法，所以都係用嚟供奉神明。因此，就將新年的「開鏡」習俗，都沿用到呢個開樽酒嘅儀式上，同樣叫做「開鏡」。另外亦有說，因為樽酒嘅圓蓋似鏡，所以打開個蓋就叫開鏡。
「開鏡」亦有「開運」嘅意頭，喺喜慶場合就最適合。將來有機會年尾年頭期間去日本嘅話，有機會一定要試下體驗呢個日本習俗，借助年神樣的力量，祈求新年無病消災。
Comments