【日本長野】長野縣住宿新選擇！入住「星野集團渡假村」體驗高質Staycation

「星野集團」於日本全國各地都設有酒店及旅館。今次編輯部幫大家整理出位於長野縣嘅「星野品牌」3間酒店與旅館，當中包含位處星野集團發源地嘅「虹夕諾雅輕井澤」。事不宜遲，馬上跟住小編一齊嚟窺探各個住宿設施嘅特色啦！

坐落於大自然之中嘅廣闊渡假村：虹夕諾雅輕井澤

「虹夕諾雅」係星野集團旗艦品牌之一，品牌旗下第一座設施正正就係「虹夕諾雅輕井澤」！「虹夕諾雅輕井澤」係一座被山林、河川、野鳥森林等大自然資源圍繞嘅奢華渡假村，住客可以於酒店內呼吸到清新空氣並置身靜謐空間，保證嚟到呢到可以完全隨意又優閒地度過最舒適staycation時光！

「虹夕諾雅」主要提供日本料理，並使用淡水魚與時令蔬菜令住客享受輕井澤地區美味。品牌喺擺盤上亦有一番講究，例如係將蘋果當成容器等，唔單只味道有保證，視覺上亦非常重視。如果有機會見到咁獨特又精緻嘅料理，相信一定會胃口大開！

除此之外，酒店內仲會提供其他豐富充實活動，例如係騎馬體驗、陶藝製作、生態旅遊等。喺遠離日常煩囂嘅山林裡親近大自然，有機會的話記住一定要試吓咁特別嘅體驗～

「界松本」屬於星野集團旗下溫泉旅館品牌「界」其中之一，係一間可以讓您接觸建築與音樂藝術薰陶嘅住宿設施。入口接待大堂每日會上演爵士樂跟古典樂等即席演奏會，係「星野集團界」品牌為住客精心準備、充滿地道特色嘅「當地樂」活動，令大家一踏入門口就可以沉浸於美妙音樂饗宴之中。當然，音樂表演係免費觀賞！

住客身處館內都可以隨時感受日本傳統技術之美。譬如，利用墨水滴入水中所呈現紋路繪製而成嘅「水墨畫」，又或完全無使用任何鐵釘，單純用木頭組成嘅「木條拉門」等。

除此之外，酒店亦有提供「八種十三款」豐富多元嘅浸溫泉方法，以及可以享受到信州紅酒嘅宴席料理等，為住客打造充實又奢侈嘅住宿生活。

「界阿爾卑斯」係一座坐落於北阿爾卑斯山麓嘅溫泉旅館。嚟到呢到，您可以親身感受設有「圍爐裏」與「土間（家屋內將室外與室內劃分嘅過渡地帶）」嘅傳統日本家屋，享受平穩愜意時間。

「界阿爾卑斯」嘅地道特色，係住客可以置身於圍爐裏，品嚐用蔬菜或山蔬菜裹上小麥粉製成嘅「鹹菜包」、燒蘋果。享用美食之餘，您亦可以體驗日本傳統古早遊戲之一嘅「拋沙包」。若剛好於雪季投宿，您更可以穿上「土間」內備有嘅傳統雪鞋，直接行出中庭於一片大雪中玩耍遊樂，係咪非常詩情畫意又有趣呢？

難得一場嚟到，唔好以錯過嘅仲有擁有400年悠久歷史嘅溫泉，以及品嘗大量用上信州食材烹調嘅日式宴席料理。客房內嘅藝術裝飾以大自然為主，再以傳統工藝品襯托，即使無刻意行排觀光行程，只要身處客房內優閒度過，都一樣可以充分享受到信州風情～