輕井澤位於長野縣海拔約900～1,000米嘅高原，除咗係著名嘅度假勝地，亦因為輕井澤內有非常多間教堂，因此同時亦係舉行婚禮和影婚紗相嘅人氣景點！今次就同大家介紹關於輕井澤教堂歷史，同埋推薦值得去朝聖嘅教堂。大家下次嚟日本旅遊嘅話，不妨出發一場教堂巡禮之旅，感受一下浪漫神聖嘅氣氛喔～
點解輕井澤有咁多教堂？
輕井澤區內有超過15座教堂，教堂之所以咁普及嘅原因，據聞係因為1873年英國聖公會傳教士亞歷山大·克羅夫多·蕭(Alexander Croft Shaw)踏入輕井澤時，愛上輕井澤優美嘅自然環境、氣候宜人，因此決定將輕井澤嘅美好，開心Share畀身邊朋友，從此多位外國傳教士就紛紛去到輕井澤！
傳教士們會齊聚於同一間房，進行早晨與傍晚祈禱與週日禮拜。隨著參與人數越嚟越多，原本嘅空間變得狹窄，於是1900年代左右，就喺輕井澤設立三座基督新教教堂，分別係蕭紀念禮拜堂、輕井澤聯合教會、輕井澤教堂。後來1935年，又喺輕井澤設立唯一天主教教會—聖保羅天主教教堂。
打卡影靚相必去朝聖！輕井澤推薦教堂
教堂除咗進行禮拜之外，仲會舉辦市集、音樂會等活動。其中有唔少教堂開放參觀，以下就為大家整理推薦教堂及特徵。
| 教堂名 | 特徴 |
| 輕井澤高原教堂 | 創立於1921年。位於森林之中，能夠感受到溫暖陽光從樹葉縫隙中灑落 |
輕井澤聖保羅天主教堂 | 由近代建築大師「安東尼・雷門（Anthony Raymond）」設計 |
| 石之教會 內村鑑三紀念堂 | 由石頭與玻璃打造，充滿神秘感 |
| 輕井澤蕭紀念禮拜堂 | 輕井澤首座教堂建築 |
| 日本基督教團 輕井澤教會 | 創立超過110年，擁有悠久歷史 |
| 輕井澤聯合教會 | 由西洋建築師William Merrell Vories設計 |
| 輕井澤追分教會 | 教堂內設有管風琴 |
| 輕井澤基督教堂 | 佇立於廣闊庭園內 |
| 輕井澤南教會 | 每年會舉辦三場音樂演奏會 |
輕井澤人氣婚禮場地 為您打造一輩子浪漫回憶！
教堂內亦可舉辦婚禮。婚禮之後，新人可選擇自己另外安排或利用教堂合作會場舉辦婚宴。
請注意，當中有部分教堂未有提供婚禮場地服務。由於與人生大事有關，建議要事先收集好資料與查詢喔～以下為大家整理出提供婚禮場地嘅教堂清單，以及當中提供合作宴客場地嘅資訊。
教堂名 | 有無提供宴客場地 |
| 輕井澤高原教堂 | 有（星野集團 Karuizawa Hotel Bleston Court） |
| 輕井澤聖保羅天主教堂 | 有（與企劃公司查詢） |
| 石之教會 內村鑑三紀念堂 | 有（星野集團 Karuizawa Hotel Bleston Court） |
| 輕井澤蕭紀念禮拜堂 | 有（萬平酒店／音羽之森酒店） |
| 輕井澤聯合教會 | 無 |
| 輕井澤追分教會 | 有（與企劃公司查詢） |
| 輕井澤南教會 | 無 |
Comments