【影片食譜】為丼飯及公仔麵加餸！在家輕鬆做出日式雞肉叉燒

今日要為各位介紹喺社交平台上瘋傳嘅日式雞肉叉燒食譜！雖然準備過程需要花多少少時間（大約1個鐘），但只要一次過整多啲份量放入雪櫃雪凍，就可以輕鬆為平日嘅公仔麵、其他麵食、丼飯等加餸，誠意推薦畀各位鍾情日式叉燒嘅讀者～

 材料（2條份量）：

※如欲預備4條份量，將以下食材份量乘2即可。

• 2塊 (500g) 雞脾肉
• 500ml 水
• 1條 (50g) 長蔥綠色部分
• 15g 生薑

調味料：

A：

• 1.5湯匙  豉油
• 1.5湯匙 味醂

B：

• 1湯匙 料理酒
• 1湯匙 砂糖 (粗糖)

※小編推薦：剩低嘅醬汁可循環再用，用作丼飯調味料、或公仔麵．其他麵食嘅雞蛋蘸汁！

做法：

1. 先將雞脾肉去筋及去除多餘脂肪部分。
2. 將生薑連皮切成薄片。
3. 將長蔥綠色部分切成10cm闊嘅細條狀。
4. 將雞脾肉從中間切開，保持兩邊厚度同等後向外掰開兩邊。將雞肉逐塊捲好後用棉繩綁好綁緊。
5. 將步驟4嘅雞肉放入以中火熱好嘅煎鑊。待肉身顏色呈現金黃焦色後，將2/3份調味料A及整份調味料B落鑊，配以1,000ml清水一齊加熱。
6. 將步驟2及3嘅生薑及長蔥落鑊並以中火加熱，水滾後以鍋中蓋落蓋冚好，再以慢火煮40分鐘，直至食材熟透。
7. 將雞脾肉、生薑、長蔥取出，繼續煮大概5分鐘後加入剩餘嘅調味料A，以中火加熱至冒煙量減少至大概一半且調味料呈黏稠狀。
8. 將步驟7嘅雞肉解繩、放回煎鑊，以中火與醬汁攪拌至均勻後熄火。
9. 將雞脾肉切成容易入口嘅大小，擺盤上碟即大功告成！想要留待下次先食的話，可以先等雞肉完全攤凍後，以保鮮袋或保解盒放入雪櫃冷凍。