為咗對抗炎炎夏日，相信有好多女生都會喺手袋裡面放定一把縮骨遮吧！揀一把又輕又方便攜帶嘅縮骨遮非常重要，而近年日本好用又兼具美觀嘅晴雨兩用縮骨遮愈來愈多，落雨時可以幫您擋雨，大晴天時又可以幫您杜絕紫外線照射，無論晴天雨天都通用！
FUN! JAPAN編輯部內有來自多個國家嘅成員，當中有部分國家夏天無擔遮避太陽嘅習慣，所以嚟到日本之後見到夏天好多路人都會擔遮，不禁好奇「點解明明咁好天,都要擔遮呢？」，又或者「晴天擔遮有咩好處呢？」。所以呢篇文章，就邀請到FUN! JAPAN團隊東南亞組編輯嚟同大家分享防曬遮嘅魅力，同時亦為您介紹日本獨特小知識，仲有縮骨遮選購方式！
嚟到日本之後先知道！有關防曬遮嘅3個小知識
與東南亞地區相比，日本夏天日曬相對較強（同香港不相伯仲！），容易引起中暑，而且一年當中落雨日子亦非常多，所以嚟到日本生活之後，出門擔遮嘅次數大大增加。但係，如果接二連三有大雨或颱風，基本上一把遮就只能夠維持幾個月壽命，所以當小編們之前去專門店選購縮骨遮嘅時候，就順便向店員請教挑選方式，仲有點樣先能夠延長遮嘅壽命。以下實用貼士誠意推介畀各位香港朋友，馬上一齊嚟睇睇自己平常嘅用法係咪正確啦！
①縮骨遮壽命大約幾長？
據講一把「好」嘅縮骨遮，一般嚟講大約可以用4～5年。價錢較便宜嘅遮相對之下遮骨都會比較脆弱，有時候強風一吹就要報銷。如果係有抗UV加工嘅防曬遮傘，防UV加工本身耐用年數大約係2~3年。如果配合「抗UV噴霧劑」等用品保養的話，就可以維持比較耐。
②防曬遮嘅顏色對抗UV效果有無影響？最有效果嘅係咩顏色呢？
遮面有施以抗UV加工的話，其實顏色並無影響，但為咗防止從地面反射嘅紫外線，最好選用內側為黑色嘅遮，注意唔好揀選容易引起不規則反射嘅白色或銀色啊！
③延長縮骨遮壽命嘅秘訣係…？
將被雨淋濕嘅遮摺起來之前，如果無好好風乾的話，容易會因為濕氣發霉而滋生細菌，所以用完之後一定要打開、放置於通風處晾乾。注意唔好因為覺得天氣好就直接放喺太陽下曬乾，咁樣反而會令遮甩色、甚至減損表面加工嘅效果㗎。
夏天擔遮防曬！？東南亞小編親身感受日本文化衝擊
東南亞天氣熱嘅日數比日本長，雖然無養成如日本般嘅擔遮習慣，但因為日曬時間較長，所以更需要保護肌膚。FUN! JAPAN東南亞組編輯亦係嚟到日本生活之後，漸漸受到日本文化影響，防曬遮因此成為夏日返工必需品。
防曬遮除咗可以保護肌膚，仲可以提升美容意識，隨身帶著一把特色個性嘅防曬遮，行街時更可以順便為當日穿搭造型加分呢～
高品質多功能防曬遮 正以日本獨特技術不斷進化中！
日本人經常都會將防曬遮配搭和服使用，但您又知唔知道，防曬遮喺以前其實並唔太受女性歡迎呢？直至大約20幾年前，抗UV（紫外線）防曬遮開始流入市面，先令國民意識產生變化。以前嘅防曬遮UV遮蔽率大約只有50%左右，但經過加工處理過後，現時遮蔽率可高達80%～90%，因此年輕女心亦紛紛開始使用，時至今日，男女老幼都已經普遍接受晴天擔遮嘅習慣呢。
另外，坊間雖然認為「戴帽或擔遮＋搽防曬」有效對抗紫外線或紅外線，但根據日本美容專家表示，擔遮比戴帽遮蔽範圍更廣，所以效果會更好！
FUN! JAPAN SELECT SHOP現正出售由日本職人手工打造嘅晴雨兩用防曬縮骨遮。喺炎炎夏日與多雨冬季來臨之前先做好準備，而家就馬上買定一把又輕又好用嘅晴雨兩用縮骨遮啦！
Comments