東京‧六本木內有多個熱門觀光景點，例如係六本木Hills、東京中城TOKYO MIDTOWN、國立新美術館等。同時，六本木地區亦係各國大使館所在地，以多眾多外國人聚居之地，行喺街上有極高機率會遇到日本國藉以外嘅外國人，可謂一個充滿國際色彩嘅小區。每逢到咗夜晚，六本木車站附近嘅氛圍馬上會同日頭變得截然不同，酒吧、夜店等陸續營業，搖身一變成霓虹燈區。而下文，就讓為大家介紹六本木嘅人氣景點！
「六本木十字路口」入夜後馬上變成不夜城！
六本木十字路口係一個由六本木通以及外苑東通交叉而成嘅路口。由於鄰近地下鐵出口，因此有唔少人都會相約喺到見面，特別係晚上7點過後，年輕人就會開始聚集。路口周圍餐廳、酒吧、KTV與夜店等林立，一眾店家都會營業到深夜，因此超過半夜12點後依然相當熱鬧。順帶一提，六本木晚上經常出現詐騙或偷竊情況，夜晚時分要多加留意喔！
聖誕節期間必定人山人海 「六本木Hills展望台 Tokyo City View」
六本木Hills展望台Tokyo City View從每年11月上旬，就會開始舉辦聖誕節特別活動。六本木Hills、東京中城TOKYO MIDTOWN與六本木「欅坂通」等都會設置聖誕燈飾，到咗週末跟傍晚過後，售票處就會開始聚集人潮、擁擠不堪，如果將來有計畫要嚟欣賞聖誕燈飾嘅人，建議喺太陽落山前就要先到場霸位！
影相打卡最佳地點 夜櫻點燈
鄰近東京中城TOKYO MIDTOWN嘅港區立檜町公園，主要種植染井吉野櫻等大約150棵櫻花樹，當中包含舊防衛廳時代嘅45棵櫻花樹，係東京著名賞櫻景點之一。配合櫻花季，公園會舉辦「MIDTOWN BLOSSOM 」活動，其中晚間點燈活動更係睇夜櫻必到推介！特別係約200米長嘅櫻花大道，幻想空間加上壯觀景色絕對值得一睇！
包含夜店在內，不夜城「六本木」內有多間酒吧可以享受日本夜生活。雖然六本木一般畀人成熟、高檔印象，但其實都有唔少賞花或燈飾等靚靚夜景可以欣賞。下次有機會去東京旅行時，您又會唔會將不夜城「六本木」放入您嘅行程清單呢～？
Comments