到關西地區旅行時，Yojiya (よーじや)嘅吸面油紙可以吸油、補妝，自用、送禮，一舉四得，難怪成為唔少人嘅必買清單之一。呢間已有百年以上歷史嘅老字號店鋪，最近更推出一款緊貼時事嘅全新吸面油紙𠻹！
招牌藝妓都要戴上口罩！
Yojiya最為人熟悉嘅，就係印喺產品上嘅藝妓面容。今次Yojiya喺11月13日推出吸面油紙「吸面油紙～優雅口罩款～」（マスクをつけたあぶらとり紙「あぶらとり紙～はんなりますく～」）超緊貼時事，為招牌藝妓戴上粉色口罩！
部分收益將捐贈日本紅十字會
全新吸面油紙為限量發售，3冊一組共2萬組，含稅售價為1,177日圓，當中30日圓將捐贈予日本紅十字會；5冊一組則為限量1萬組，含稅售價1,958日圓，當中50日圓將捐贈予日本紅十字會，購物同時又可以做善事～
商品情報
- 商品名：戴口罩的吸面油紙「吸面油紙～優雅口罩款～」
- 販售期間：2020年11月13日(五) ※數量有限售完為止
- 販售店鋪：Yojiya總店、祇園店、三條店、嵯峨野嵐山店、清水店、清水產寧坂店、金閣寺店、京都站烏丸中央口專櫃、京都站八條口專櫃、大丸京都店、羽田機場第一航廈店、羽田機場第二航廈店、官方網購平台（僅販售5冊一組商品）、Yojiya cafe祇園店、Yojiya cafe嵯峨野嵐山店
Comments