南部鐵瓶係一款於日本擁有悠久歷史嘅鑄鐵茶壺。只要往容器內倒進熱水，鐵質就會溶出，令您喺屋企飲水或品茶嘅時候，可以輕鬆地為身體補充適量鐵質。而且使用時間越長，茶壺本身顏色更會慢慢出現變化，享受使用過程中嘅質感變化亦係一種樂趣！每日過著被日本傳統與文化包圍嘅生活、人在日本嘅FUN! JAPAN小編，會喺呢篇文章內為大家介紹南部鐵瓶嘅講究之處，同時亦會私心推薦使用茶壺泡出好像白滾水嘅訣竅唷。
將傳統日本精髓融入現代生活
從前嘅日本傳統家屋內一般都會放置著「圍爐裹」。圍爐裹即係將房間地板挖出一個四角型空間後，於裡面設置嘅防寒・烹飪生火裝置。古時候嘅日本人會如上圖般，於鐵瓶下面生火、燒水，但係到咗現代，即使係鄉下地方嘅民家內，都已經好難可以再搵到圍爐裹嘅蹤影，難免叫人感到可惜。畢竟用鐵瓶精心泡出嘅茶，每一杯都蘊含著暖入心頭嘅日本傳統人情文化呢。
於京都邂逅來自岩手縣嘅鐵瓶
南部鐵器嘅起源最早可以追溯到17世紀中期。數數手指，呢款日本廚具嘅歷史到而家已經快將有400年喇！喺幾百年後嘅今日，佢已經成為深入民心嘅東北地區岩手縣傳統工藝品，雖然鐵器稍稍有少少重手，但都係會有唔少遊客會將佢當成手信買返屋企呢！
好似小編我就係舊年春天到京都旅遊，喺某家老咖啡館品茶嘅時候首次遇上南部鐵器。店員用南部鐵器茶壺為我倒出一杯熱騰騰嘅茶，茶壺迷人外型令我不禁對佢睇得入神著迷。後來我與店員閒聊嘅時候先知道，南部鐵器最初由來係於17世紀中期，由岩手縣南部藩主從京都招攬釜師（鑄造鐵壺的職人）到岩手縣盛岡製造「湯釜（煮水用嘅鐵鍋）」。如果唔係喺旅途中遇上南部鐵器，我都唔會知道岩手縣與京都府原來有咁嘅一個共通點。呢種意外收穫，大概就係旅遊嘅樂趣吧～
泡出一杯溫潤好茶
至於點解當初日本人會將南部鐵器鑄鐵茶壺—南部鐵瓶帶進日常生活呢？咁係因為佢有助於攝取鐵質。南部鐵瓶內含嘅高品質鐵質會融化於飲料當中，有助人體攝取鐵質，解決鐵質不足嘅煩惱。
小編我喺實際使用南部鐵瓶後，先真正發現用佢煮過嘅熱水，與其他一般不鏽鋼或琺瑯材質茶壺所煮嘅熱水，味道竟然可以係超乎想像地唔同！將自來水煮滾後，鐵瓶內側溶出嘅鐵離子就會與殘留於水裡嘅鈉離子產生化學反應。經分解並去除鈉離子後，自來水唔再附帶「藥味」，味道變得更柔和甘甜，用來沖咖啡與紅茶都會更好飲㗎！
南部鐵瓶白滾水煮法與追加口味變化
＜白滾水煮法＞
- 將水喉水倒入南部鐵瓶後，蓋上壺蓋開火加熱。
- 開水煮沸後拎起瓶蓋，繼續將熱水保持沸騰狀態。
- 等個10至15分鐘後，就大功告成！
＜追加口味變化＞
- 檸檬白滾水：配搭1/2個分量檸檬果汁一齊飲用。
- 生薑白滾水：將生薑切片後，往白滾水裡放進2～3小片飲用。
- 橄欖油白滾水：配搭1小茶匙橄欖油一齊飲用。
每天已經過著忙碌生活，仲要用又重又容易生鏽嘅鐵瓶的話，淨係想像就已經覺得非常攰！但係無諗過我喺用過呢款南部鐵瓶後，除咗瞭解到佢所結合嘅歷史與傳統，亦為咝要令佢唔好生鏽而漸漸培養出珍而重之嘅感情。想要了解更多嘅讀者朋友們，可以到東京百貨公司或者針對觀光客嘅手信舖，尋找各種款式嘅南部鐵瓶啊。我相信您一定會搵到心儀款式嘅！
FUN! JAPAN SELECT SHOP除咗出售呢款南部鐵器鐵瓶茶壺（kettle）以外，亦有上架圓滾滾可愛外型嘅南部鐵器急須茶壺（Tea pot）。趁呢個機會，隨便選購啦！
Comments