大家好，我係FUN! JAPAN 主婦小編REI。數數日子，喺日本住咗都超過20年喇！自從嚟到日本，每日都過著隨處見到日本製產品嘅生活，對於鍾意落廚煮餸嘅我嚟講，絕對唔可以缺少嘅就係廚房用品！雖然有香港或台灣都搵到好用嘅廚房用品，但我嘅廚房裡頭都有好多品質唔錯、耐用嘅日本製廚房用品㗎！
今次就為大家介紹當中一樣—鐵製平底鑊。或者有啲人會心諗「鐵製平底鑊？唔淨係日本都有啦，一啲都唔罕見。」先咪心急住，聽完我介紹呢款輕盈鐵製平底鍋再講都未遲，事關佢可以做出非常好食嘅菜式！我同時仲會為大家介紹喺日本學到嘅平底鑊食譜𠻹～
堅持使用鐵製平底鑊嘅三大理由
您知道嗎？導熱性絕佳，讓菜餚變得更美味！
大家都知道鐵鑊越常使用，親油性就會越好、油越唔容易「癡底」，最重要係導熱性良好！至於點解導熱性好，就可以煮出好食料理呢？咁係因為能夠用大火短時間料理，迅速鎖住食材嘅鮮味。當我得知鐵鑊有呢項優點之後，就覺得無論如何都要入手一隻喇！
超級耐用！耐用程度接近永久！？
一般嚟講，氟素樹脂加工嘅平底鑊，隨著使用次數越多，上頭嘅氟素樹脂就會漸漸脫落，用幾年就必須買一隻新鑊。但鐵製平底炒鑊可以話係使用期限接近永久，再加上日本製、高品質，令人十分放心！
適當攝取鐵質
平底鍋嘅鐵分會喺煮食過程中溶出，滲進食材，用家自然而然地就可以攝取鐵質。聽到呢點，女士們係咪都已經心郁郁想買返個呢～
但係！鐵製平底鑊咁重～可以點解決？
鐵鑊並非只有優點，一大缺點，就係鐵製鑊十分沈重。既然係每日都會用到嘅煮食用具，購買時一定會考慮到重量吧。一般嚟講，直徑約30cm尺寸大小嘅鐵製平底鑊重量大概有2kg，同樣尺寸嘅鋁製平底鍋重量僅約1kg，但我用梗嘅鐵匠平底炒鑊居然只有1.2kg！明明係鐵鑊，但就同鋁鑊差唔多輕，拎著佢嚟煮餸就唔使再驚煮到攰啦！
另外，識揀平底鑊一定係揀唔容易導熱嘅木製或樹脂製把手，而鐵匠平底炒鑊就正正採用木製把手，鍾意落廚嘅我非常滿意呢一點，咁先唔會燙傷雙手嘛～
遇見鐵匠平底炒鑊
朋友送畀我嘅禮物，就係呢款鐵匠平底炒鑊。一開始收到開箱時，簡直難以相信裡頭居然係一隻鐵製平底鑊，因為實在係太輕喇！
開箱後再實際將呢隻平底鑊拎上手，不禁想要快啲拎佢嚟煮餸！腦海頓時浮現咗好多諗頭，到底係整滷三層肉好呢？定係整魚翅羹好呢？就算簡簡單單炒個菜、炒隻蛋，都感覺會十分好食。自從入手咗呢隻鐵匠平底炒鑊，我就經常用佢嚟煮餸，當然亦會拎佢嚟煮喺日本學到嘅菜式啦！
日本家常料理食譜—奶油燉菜
文章最上方嘅影片內介紹咗日式蛋包飯嘅料理影片。除咗呢款日本一般家庭會經常食到嘅家常菜之一，下面再會為大家介紹另一道同樣常見嘅日式食譜，就係無論男女老幼都鍾意嘅奶油燉菜！比起去餐廳享用，多數家庭都會選擇喺屋企自己整奶油燉菜，因此亦係小編屋企會經常出現嘅家庭菜常客。大家都不妨參考我嘅食譜，試吓喺屋企自己整啦～
材料（2人份）
- 三文魚 2片（亦可切成容易入口嘅大小）
- 白酒 1大匙
- 有鹽牛油 20g
- 水 200ml
- 牛奶 200ml
- 蔬菜高湯粉 1小匙
Ａ
- 洋蔥（1/2顆） 80g（切絲）
- 馬鈴薯（1/2顆） 50g（去皮去芽，切成容易入口嘅大小）
- 紅蘿蔔（1/3根） 50g（去皮，切成容易入口嘅大小）
B
- 低筋麵粉 2大匙
- 鹽 少許
- 黑胡椒 少許
Ｃ
- 四季豆 約10條
- 西蘭花（1/3顆） 50g（切成容易入口嘅大小）
做法
- 用中火預熱平底鑊，融化有鹽牛油，倒入材料Ａ拌炒。
- 炒到洋蔥軟化後，放入三文魚與白酒，用中火拌炒。
- 將材料Ｂ放入，保持中火輕輕拌炒，直到麵粉粉粒感消失為止。然後加水以細火慢煮10 分鐘左右。
- 事先將材料Ｃ過水加鹽煮一下。
- 馬鈴薯與紅蘿蔔煮熟之後，加入牛奶、蔬菜高湯粉攪拌，再將步驟4材料倒入，用細火再煮個約3分鐘即可完成。
每日生活勞勞碌碌，只要花少少時間就可以做出一道好食料理，真係零舍令人心花怒放！我知道香港都搵到好用嘅鐵鑊，但都不妨趁呢個機會，試用日本製，比較睇吓有乜分別，可能會有新發現呢～
FUN! JAPAN Select Shop 現正販售「鐵匠平底炒鍋」。心動不如行動，小編推介、您值得擁有！
Comments