【日本東京】高達迷不容錯過！台場DiverCity Tokyo Plaza高達主題設施

位在東京台場嘅DiverCity Tokyo Plaza內集結咗多個高達主題鋼彈設施，例如係實物大高達立像、主題café、模型綜合設施等，無論您係唔係高達迷，都保證能夠享受高達世界嘅樂趣！

實物大高達立像歷史

目前聳立於DiverCity Tokyo Plaza嘅實物大高達立像已經係第4代。

實物大小嘅高達立像首次登場係喺2009年夏天，於台場潮風公園第一次公開亮相。當時展期為期52日，締造出約415萬人親臨現場嘅熱烈迴響。

之後，立像再於2010年夏天於靜岡Hobby Fair登場及2012年於DiverCity Tokyo Plaza現身。

後來到咗2017年9月，目前展出嘅「實物大獨角獸高達立像」就於DiverCity Tokyo Plaza「FestivalPlaza」盛大登場。

同場唔單只可以欣賞到巨型高達立像之外，官方仲安排咗多項豐富表演節目，粉絲能夠欣賞原創劇情、動畫經典場面、限定影片等。

講到明係主題café，內裡當然能夠畀您盡情感受高達世界觀啦！菜式有熱狗、飲品等歡迎外賣嘅輕食，所以如果無太多時間可以喺店內享受美食的話，大家都不妨路過時外賣打包一份主題美食帶走喎～

當中，絕對絕對絕對唔可以錯過嘅，就係印有高彈角色圖案嘅Fortune Latte（幸運拿鐵）。細膩跟真實感兼具嘅角色拉花，除咗為您帶嚟外觀上嘅視覺享受，亦好適合影相post上IG打卡！隨季節不同，店內亦會推出期間限定菜式，畀各位粉絲一嚐具當季風味嘅美食。

店內同場亦有出售獨家設計嘅透明樽裝飲品，上頭都會畫有機動戰士、高達角色㗎。

其他精彩項目仲包括零食點心、胸章、漱口杯等獨家周邊商品，商品種類非常豐富。

日本國內第一間高達綜合設施，店內由4個區域組成，歡迎大家盡情購物、參觀、製作以及了解更多有關高達嘅故事。場內集結咗所有高達模型，自問係高達迷嘅，就一定唔可以錯過呢個朝聖機會！

當中特別想同大家介紹嘅，就係「模型組裝區（BUILDERS ZONE）」。

場內駐有模型達人，教大家如何組裝模型及上色。提供模型上色嘅著色室採取收費制，費用為30分鐘300日圓，每延長10分鐘加收100日圓。（價錢截至2020年10月）

「商店區（SHOP ZONE）」內則出售著從1980年初版至最新高達模型商品，以及高達基地限定商品等，種類相當豐富，包保您有意外收穫！