日本和歌山縣對於唔少遊日旅客而言，或者仍然係一個陌生秘境。事實上，和歌山縣擁有高野山、熊野大社等景點，縣內完整地保留著極具重要歷史意義嘅寺廟、神社，以及熊野古道、白良濱等美麗大自然。而本文，就會為大家介紹和歌山縣之旅嘅推薦景點。
和歌山打卡必到3大天然靚景！
1. 那智瀑布
那智瀑布高低落差達133米、瀑布口寬13米、瀑布潭深10米，屬日本高低落差最大嘅瀑布。瀑布被視為飛瀧神社神體而受到古人崇拜，被綁於瀑布上方嘅注連繩每年7月及12月各會被更換一次。通往瀑布嘅石板路則被稱為「鎌倉積石台階」。
景點資訊
- 名稱：那智瀑布
- 地址：〒649-5301 和歌山縣東牟婁郡那智勝浦町大字那智山
- 交通方式：JR紀勢本線紀伊勝浦站乘搭巴士約30分鐘，於那智瀑布前下車徒步約5分鐘
- 時間：7:00～16:30
- 費用：大人300日圓、中小學生200日圓
- 信用卡：不可使用
- Wi-Fi：無
2. 熊野古道
「熊野古道」係日本三大古道之一。通往聖地「那智山」嘅石板路全長600米、最高處與最低處相差100米。即使您並非前來朝聖，呢條佈滿青苔嘅石梯、杉木林立嘅幽靜步道亦一樣值得您發掘。
景點資訊
- 名稱：熊野古道 大門坂
- 地址：〒649-5301 和歌山縣東牟婁郡那智勝浦町大字那智山
- 交通方式：JR紀勢本線紀伊勝浦站乘搭巴士約20分鐘，於大門坂下車即達
- Wi-Fi : 無
3. 白良濱海水浴場
白良濱海水浴場擁有綿延640米嘅海灘，屬夏威夷威基基海灘嘅友好姊妹海灘，沙灘命名來自其純白細砂。沙灘唔只夏天時深受遊客歡迎，冬季夜間點燈後嘅一片夢幻「白沙長廊」景色亦同樣迷人。
景點資訊
- 名稱：白良濱海水浴場
- 地址：和歌山縣白濱町864
- 交通方式：JR紀勢本線白濱站乘搭巴士約15分鐘，於白良濱站下車即達
和歌山3座特色神社寺廟
1. 熊野那智大社
位於那智勝浦町半山腰嘅熊野那智大社屬於熊野三山之一。神社周遭嘅深綠色樹林與沉穩朱紅色社殿形成強烈對比，場面美得令人咋舌；神社境內瀰漫神聖氛圍，以別稱為「伊邪那美」嘅熊野夫須美大神為主要祭神。熊野那智大社境內嘅「御縣彦社」則祭祀著三足烏鴉「八咫烏」（即現時日本足球協會嘅會徽圖案）。
景點資訊
- 名稱：熊野那智大社
- 地址：和歌山縣東牟婁郡那智勝浦町那智山
- 交通方式：JR紀勢本線紀伊勝浦站乘搭巴士約30分鐘，於那智山站下車
- 開放時間：6:00～16:30
- 門票：免費
- 信用卡：不可使用
- Wi-Fi : 無
2. 高野山
高野山係一個海拔高約900米嘅山頂盆地地區。自弘法大師空海於此開創真言密教道場後，高野山就成為僧侶們修行嘅地方，同時亦係無數信徒到此朝聖嘅聖地。高野山金剛峰寺屬必睇寺廟之一。
景點資訊
- 名稱：高野山
- 地址：和歌山縣伊都郡高野町高野山132
- 交通方式：南海電鐵高野線極樂橋站下車、乘搭南海高野山纜車前往高野山站
- 開放時間：金剛峰寺 8:30～17:00（最後入場16:30）
- 門票：金剛峰寺 成人500日圓、小學生200日圓、學齡前兒童免費
- 信用卡：不可使用
- Wi-Fi : 無
3. 熊野速玉大社
位於新宮市嘅熊野速玉大社係熊野三山之一，亦係全國熊野神社嘅總本宮。熊野速玉大社境內種有高約18米、樹齡將近千年嘅「御神木」 竹柏大樹，屬全日本最高。自古以來，竹柏大樹嘅樹葉就被用以製作保佑姻緣與平安嘅護身符。
景點資訊
- 名稱：熊野速玉大社
- 地址：和歌山縣新宮市新宮1
- 交通方式：JR新宮站徒步約15分鐘
- 開放時間：8:00～17:00（神社接待處「授與所」）
- 費用：金剛峯寺 成人500日圓、小學生200日圓、學齡前兒童免費
- 信用卡：不可使用
- Wi-Fi : 無
推薦住宿地區 白濱溫泉
白濱溫泉係度假勝地兼溫泉勝地，區內林立多家酒店及旅館。和歌山縣白濱溫泉與兵庫縣有馬溫泉、愛媛縣道後溫泉並列為「日本三大古老溫泉」，白濱溫泉特徵為遊客可於此地一邊浸溫泉、一邊飽覽大海靚景。
相關資訊
- 名稱：白濱溫泉
- 住所：和歌山縣西牟婁郡白濱町1384-57
- 交通方式：搭乘JR黑潮號，從京都出發約2小時50分鐘、從新大阪出發約2小時15分鐘
必去購物景點 和歌山遊艇城
和歌山遊艇城內嘅「黑潮市場」係深受遊客喜愛嘅景點之一。市場人氣嘅秘密，就在於遊客可以近距離欣賞吞拿魚解體表演，並能以合理價錢品嚐新鮮吞拿魚。同場亦有出售梅干、醬油、地酒等和歌山縣特產。
和歌山遊艇城裡仲有一個模仿歐洲街景建成嘅小型主題樂園「歐羅巴港」，遊客就算身處日本亦可體驗到歐洲風情。城內設有海景客房酒店。
相關資訊
- 名稱：和歌山遊艇城
- 地址：〒641-0014 和歌山縣和歌山市毛見1527
- 交通方式：從JR和歌山站乘搭巴士約30分鐘；從南海和歌山市站乘搭巴士約30分鐘；或者從JR海南站乘搭巴士15分鐘於遊艇城站下車
- 營業時間：10:00～18:00 (冬季營業至17:00)
- 語言：中文、英文
- 信用卡 : 可以使用
- Wi-Fi : 無
Comments