日本環球影城（Universal Studios Japan）已正式宣布，新園區「SUPER NINTENDO WORLD（超級任天堂世界）」確定將於 2021 年春季與大家見面。然而，喺新園區開幕之前，位處超級任天堂世界園區外嘅「Mario Cafe & Store」已經率先喺10月16日於荷李活園區（荷李活大道）開幕。「Mario Cafe & Store」有咩必食必買？馬上就跟著FUN! JAPAN編輯部一齊嚟慢慢睇啦～
SUPER NINTENDO WORLD 超級任天堂世界
「SUPER NINTENDO WORLD」係日本環球影城第一座多層構造遊樂園區，園區以Mario（瑪利奧）等任天堂旗下角色為主題，除咗有適合一家大細同樂嘅乘坐式遊樂設施之外，同時亦有周邊商店、餐廳等，令入場遊客可以於現實世界感受瑪利奧等遊戲世界觀！
滿足味蕾與購物慾 就在「Mario Cafe & Store」
「Mario Cafe & Store」係一間將餐廳與商店二合為一嘅複合式設施，從外觀到內裝都係滿滿「孖寶兄弟」世界觀！外觀以Mario與Luigi標誌帽子為概念，用紅、綠色為基礎，並令入場遊客透過可愛食物及商品，感受日本環球影城內園區獨有嘅「瑪利奧世界」！
一行入咖啡店與商店，您就會見到各種熟悉遊戲場面，例如係磚塊、水管等關卡情景，又或多張蘑菇形狀嘅彩色枱凳，係唔係有種身處瑪利奧遊戲世界嘅感覺呢。
不容錯失！Mario與Luigi主題料理與飲品
Cafe主題餐飲亦係全新園區不容錯過重點！例如以孖寶兄弟帽子為造型嘅鬆餅三文治，以及鬍鬚外觀飲管嘅水果忌廉梳打等等，仲有最吸睛嘅「超級蘑菇飲品容器」，淨係外觀已經拎足100分，「相機食先」是常識吧？
只此一家！日本環球影城獨家Mario商品
官方商店內出售嘅原創商品，都係唯獨日本環球影城先買得到嘅獨家款式。商品設計概念以孖寶兄弟帽子、碧姬公主王冠等玩家熟悉嘅元素，玩Mario遊戲大嘅讀者一定勁有親切感！
淨係睇相係咪已經覺得超級吸引呢？ 2021年春天園區正式開幕之後，記得要去日本環球影城同Mario一齊闖關喇～
WIZARDING WORLD and all related trademarks, characters, names, and indicia are © & ™ Warner Bros. Entertainment Inc. Publishing Rights © JKR. (s20)
Minions and all related elements and indicia TM & © 2020 Universal Studios. All rights reserved.
TM & © 2020 Sesame Workshop © 2020 Peanuts Worldwide LLC © 1976, 2020 SANRIO CO., LTD. APPROVAL NO.EL0061901
TM & © Universal Studios & Amblin Entertainment TM & © Universal Studios. All rights reserved.
Nintendo properties are trademarks and copyrights of Nintendo. © Nintendo.
Comments