講到去日本旅行必試美食，就梗係唔少得正宗嘅日本料理。今次呢篇文章，將會介紹日本料理中知名度極高嘅「壽司（Sushi）」、「刺身（Sashimi）」當中所使用嘅各種魚類材料同其日文名！文中提及嘅大部分魚類食材，喺日本嘅百貨公司地下街、超市、市場等地方就可以買得到。所以，記得收藏此文章，到時去到日本嘆壽司、刺身時就可以邊食邊參考啦！順帶一提，加州卷、水果壽司等經過改良嘅新款壽司基本上喺日本當地超市、餐廳係無得賣㗎！
吞拿魚（日文: 鮪/ マグロ/ まぐろ）
講到日本壽司最受歡迎嘅食材，吞拿魚就一定榜上有名。日本每年新年嘅重頭戲「吞拿魚競標」所拍賣嘅第一批魚，其拍賣價格必定會成為新聞報導嘅熱門話題。
當中最普遍嘅部位係「赤身」，除咗用嚟整壽司之外，亦經常用作刺身。赤身特點係油脂比較少，味道清淡，低卡路里兼高蛋白質。赤身有時會用嚟整握壽司，亦有時會用嚟整鐵火卷等壽司卷。
粉紅色嘅「拖羅」（日文: トロ）係腹部嘅部位，特點係肉身帶有甜味嘅油脂。「中拖羅」（中トロ）同「大拖羅」（大トロ）係根據脂肪含量嚟劃分等級。
大拖羅係吞拿魚部位裡面屬最高級，可以從魚身靠近頭部嘅腹側取出，具有豐富嘅油脂甜味同鮮味，而且脂肪融點低，所以一放入口中就會立即融化消失！
相對而言，中拖羅則可以從更廣泛嘅部位取得。根據唔同身體部份，名稱亦會有所變化。例如「背上」（背かみ）、「背中」（背なか）、「背下」（背しも）等，脂肪含量和味道亦會有所不同。中拖羅位於赤身和大拖羅之間，口感宜人，因此亦係壽司店入面人氣嘅部位之一。
之前提到嘅赤身、大拖羅、中拖羅喺壽司店中，通常會用嚟整握壽司、壽司卷、手卷壽司。而用嚟整香蔥拖羅丼飯、軍艦壽司等料理嘅部位稱為「中落」。呢個部位係指殘留喺吞拿魚中骨周圍嘅肉身，由於喺解剖吞拿魚時會剩底，所以可以喺市場或超市以較低價格購買得到。
如果可以掌握得到與日本人淵源深厚嘅吞拿魚部位等小知識，相信喺壽司店或超市都可以派上用場呢！
三文魚（日文: サーモン）
三文魚肉質柔軟且呈淡橙色，含有豐富油脂，亦係壽司店中人氣嘅魚類之一。部分地方餐單上會提供「拖羅三文魚」（トロサーモン），但與以身體部位明確區分嘅吞拿魚唔同，拖羅三文魚並無明確定義，似乎係單純指油脂豐富嘅部位。
順帶一提，一般用日文寫為「鮭」嘅三文魚係必須經過烹煮先至可以食用。換言之，用作刺身或壽司嘅「三文魚」（サーモン）不同於一般嘅「鮭魚」。呢種三文魚又稱為「Trout salmon」（トラウトサーモン），係一種將「虹鱒魚」用海水養殖而成嘅魚。喺日本超市和魚店中，有時會用「Trout salmon」（トラウトサーモン）作為商品名稱，可能會有條碼和標籤，記得要記住呢一點啦！
鯛魚（日文: 鯛/ タイ/ たい）
鯛魚喺日本被視為高級魚，而且日文中吉祥嘅讀音「Medetai」（めでたい）和鯛魚嘅讀音「Tai」（タイ）相似，因此鯛魚被視為帶有吉祥嘅意思。雖然使用烹煮食物和鯛魚飯等熟食煮法都已經非常好味，但如果用來嚟整握壽司，就可以品嚐到鯛魚獨特風味和精緻嘅口感喔。
鯖魚（日文: 鯖/ サバ/ さば）
鯖魚通常被認為係一款適合經過烹煮過嘅食材，但其實亦可以製作成醋鯖魚、鯖魚壽司等美食享用。
以上製作鯖魚美食嘅方法，源自昔日冷藏技術尚未普及嘅年代，為咗能夠長時間保存新鮮度迅速下降嘅鯖魚而設計嘅保存方法。醋鯖魚係將整條鯖魚撒上鹽，緊緊壓實，然後洗走鹽分浸泡於醋中，再次緊緊壓實。可以將醃鯖魚切片作為刺身享用，或用來製作鯖魚壽司。搭配蔥、刨成蓉狀嘅生薑等調味料一同食用，既能去除腥味，又能品嚐到鯖魚嘅美味。
鰹魚（日文: 鰹/ カツオ/ かつお）
鰹魚係一種無油膩感，清爽可口嘅赤身魚。每年春季和秋季各有一個盛產時節，特別係春季嘅「初鰹」，自古以來就係一種帶來好運嘅吉祥食材，深受大眾歡迎。
至於烹調方面，除咗用嚟整刺身之外，仲會經常使用一種叫做「半敲燒」（タタキ）嘅烹飪法烹煮。呢種方式會先烤過魚皮，再配上大量蔥和生薑等調味料享用。喺飲食店和居酒屋嘅餐單上，則被命名為「鰹魚半敲燒」（カツオのタタキ），亦經常於高知縣以鰹魚半敲燒（カツオのタタキ）、三重縣以不用手捏壽司（手こねずし）等作為當地特色料理。
鰤魚（日文: 鰤/ ブリ/ ぶり）＆ 魬魚（日文: 魬/ ハマチ）
當提到魚店或壽司店常見嘅魚類品種時，就不得不提到鰤魚、魬魚，和勘八魚。呢三種魚外觀上非常相似，但實際上鰤魚和魬魚都屬於鱸科鯖科鰤屬嘅同種魚，係一種伴隨著成長，名字會不斷變換嘅「出世魚」之一，屬於會隨著大小和各地區而擁有不同稱謂嘅魚類。
鰤魚喺成長過程中，身長大約40～60厘米時會被稱為「魬魚」。雖然唔同地區可能有所差異，但喺任何一個地區大於80厘米嘅通常會叫做「鰤魚」。鰤魚擁有半透明嘅身體，呈粉紅色嘅白色肉質，特點係富含脂肪。全年都可以食用，但冬季脂肪含量最高，最為推薦。刺身同握壽司都非常受歡迎。
勘八魚（日文: 間八/ 勘八/ カンパチ）
勘八魚（間八或勘八）係鰺科鰺屬嘅一種，與鰤魚等同種。大部分係養殖嘅品種，而野生品種則作為高級魚類於市面上流通。相比鰤魚和魬魚，勘八魚嘅特點係脂肪含量較低，無明顯腥味，口感豐富且味道清淡，因此喺刺身和握壽司中非常受歡迎。
魷魚（日文: 烏賊/ イカ/ いか）
魷魚無論係刺身定係握壽司都可以享用得到嘅代表性海鮮。
當作刺身食用時，魷魚會被切成幼細條狀，望落有少少似日本嘅麵條「素麵」（そうめん），所以魷魚刺身有時候亦被稱為「魷魚素麵」（いかそうめん）。另外，喺魷魚漁業盛行嘅地區，例如佐賀縣嘅呼子，仲可以品嚐到即場處理嘅原條魷魚姿造「生魷魚」（活きイカ）添！
若要製作成壽司，由於軟嫩口感和衛生上嘅考量，通常會喺魷魚肉身上切入刀口。而喺製作壽司捲或手卷時，有時會捲上紫蘇葉或梅醬。
八爪魚（日文: 蛸/ タコ/ たこ）
八爪魚經過鹽水煮熟後，能夠凝縮出豐富嘅鮮味，肉質亦會變得更加緊實，咀嚼起來更加爽口易食。因此，喺高級餐廳中有時會供應生食章魚，但一般餐廳中，生食八爪魚嘅情況相對較少，多數會使用煮過嘅鹽水八爪魚。
相比於有著彈牙咬勁和獨特口感嘅生八爪魚，煮熟嘅八爪魚則具有柔軟且彈性嘅口感，可以品嚐到不同於生八爪魚嘅獨特鮮味。無論係用作刺身抑或係握壽司都相當好味道，亦係八爪魚嘅魅力所在。
甜蝦（日文: 甘エビ/ 甘海老/ アマエビ）
甜蝦係日本各種類蝦中具人氣嘅生食食材。無論係用嚟製作刺身抑或係握壽司，通常都會提供去除外殼但保留蝦尾狀態嘅甜蝦。入口鮮甜美味，喺舌尖上融化嘅感覺令人回味無窮！喺市場或超市中可以購買得到甜蝦刺身，但一般嚟講，用嚟製作握壽司或軍艦壽司先至係常見嘅食用方法。
帆立貝（日文: 帆立/ ホタテ/ ほたて）
「烹煮後嘅味道真係好唔同！」新鮮嘅生帆立貝就會令人咁驚訝！生帆立貝既有著紮實口感，又帶有甜美和濃郁奶油味，絕對係一款美味佳餚！
一般嚟講，刺身和壽司通常會使用帆立貝嘅貝柱，亦有料理會使用鰓、帶子裙邊等部位嘅情況，係一款用嚟搭配日本酒等酒類嘅美酒佳餚。如果要享用帆立貝壽司，通常會製作成握壽司或軍艦壽司食用。
三文魚籽（日文: イクラ/ いくら）
三文魚籽係指日本三文魚或鱒魚等魚卵，類似於魚子醬。與其他海鮮不同，三文魚籽個名源自俄羅斯語，因此並無日文漢字表記。
喺日本，三文魚籽經常被製作成醬油漬，並用於丼飯或軍艦壽司中食用。將清洗乾淨嘅三文魚籽浸泡於醬油中，可以品嚐到三文魚籽嘅口感，以及醬油嘅甜味和濃郁濃稠嘅好滋味。呢款半透明且呈明亮橙色嘅魚卵，咬開時會發出「卜」一聲，口感獨特，亦係軍艦壽司嘅代表性食材之一。
海膽（日文: 雲丹/ ウニ/ うに）
海膽係一款日本特別珍貴且昂貴嘅珍味之一，亦係軍艦壽司嘅代表性食材之一。特徵係外觀呈深色嘅黃色或橙色，並具有濃郁甜味和像奶油一樣嘅口感。為咗保持其顏色和新鮮度，一般店鋪通常會使用一種名為礬嘅食品添加劑。
海膽嘅美味在於越新鮮，越能享受得到清新香味，所以如果要品嚐海膽，建議去北海道等以海鮮聞名嘅地區，或者去漁港即場食新鮮捕獲嘅海膽啦。
壽司界入面，海膽被認為係軍艦壽司嘅代表性食材之一喔。
Comments