相傳道後溫泉係日本全國最古老嘅溫泉，至今已有3000多年歷史。道後溫泉坐落於溫泉小鎮上，係日本第一個被指定為重要文化財嘅公共澡堂，而現時嘅三層木造建築就係於1894年完成修復、其後再於2019年完成維修工程嘅歷史建築物。二樓以上嘅休息室雖已關閉，但一樓浴池「神之湯」則依然對外開放使用。據講，吉卜力電影《千與千尋》當中嘅溫泉場景就係以道後溫泉為藍本，因此好多日本國內外遊客都會專誠嚟朝聖㗎！
本文將會大家詳細介紹道後溫泉與道後溫泉本館。
道後溫泉小檔案
關於道後溫泉嘅起源，坊間流傳著多種說法，其中又以白鷺傳說與神話逸事最為人熟悉，而今次編輯部就要為您介紹「白鷺傳說」。
話說喺好耐好耐之前，有一隻腳受咗傷嘅白鷺。白鷺發現溫泉從岩石中湧出，當佢嘗試將腳泡浸喺溫泉水後，結果腳傷就痊癒、又可以重新振翅高飛。
正正就係因為呢個傳說，以令到道後溫泉療效聲名遠播。
道後溫泉本館
建築之美
道後溫泉本館可以話係道後溫泉嘅象徵。榮獲《日本米芝蓮綠色指南》3星評價嘅本館係一棟歷史悠久嘅建築，1894年建成後經過多年整修，房間、走廊及樓梯結構現時變得較為複雜，令本館建築就如一個巨型迷宮。
驟眼睇，您或者會認為佢係一座純日式建築，但實際上建築物內裡包含咗多個西洋技術。例如，建築物最高部分嘅窗戶就裝有玻璃，當陽光照射時會發出紅色光芒；而夜晚經過外面時，呢道光芒就成為途人嘅地標。
吉卜力電影靈感來源
本館建築係一個非常適合打卡嘅觀光景點，相當值得遊客仔細欣賞。據講，其外觀架構更係吉卜力工作室動畫電影《千與千尋》場景嘅藍本𠻹！想一次過欣賞本館朝早與夜晚兩種面貌嘅遊客，可以趁溫泉早上6點伴隨著鼓聲開始營業時到場，然後再等夜晚建築物點燈後，欣賞醉人景色。
夏目漱石小說背景舞台
道後溫泉亦係夏目漱石小說《少爺》嘅背景舞台。夏目漱石係日本最著名嘅小說家之一，而本館其中一間名為「少爺的房間」嘅房間，就係夏目漱石浸完溫泉後休息嘅地方。房間裡展出咗部分照片，只要有畀溫泉入場費嘅遊客就可以免費參觀。
道後溫泉本館最新資訊
從2019年1月15日起，一樓「神之湯」會繼續營業，而二樓以及三樓則會關閉以進行翻新。 即使修建工程進行中，您仍然可以到呢座小鎮觀光。自2019年1月起，道後溫泉本館南邊嘅冠山亦已經將「空之散歩道」重新開放。
相關資訊
- 名稱：道後溫泉本館
- 地址：愛媛縣松山市道後湯之町5-6
- 交通方式：從伊予鐵道JR松山站前站出發，約25分鐘可抵達伊予鐵道市內電車道後溫泉站。從道後溫泉站步行約10分鐘即可抵達道後溫泉本館。
- 開放時間：一樓的神之湯，6：00-23：00 *最後入場時間為22:30 *每人使用時間限1小時
- 費用：「神之湯」成人420日圓、兒童160日圓
- 休息日：全年開放 (12月1日臨時休息)
道後溫泉別館飛鳥乃湯泉
即使本館關閉中，隔離仲有另一個設施「道後溫泉別館飛鳥乃湯泉」可以畀您享受半天溫泉樂，唔使驚一場嚟到後掃興而歸！
關於飛鳥乃湯泉
飛鳥乃湯泉係使用日本飛鳥時時建築技術建成嘅公共澡堂。澡堂直接從溫泉水源引入「美容水」，過程中毫不添加其他熱能或水源，屬日本國內相當罕見嘅泉質。
公共澡堂空間廣闊，遊客可以喺館內搵到就連本館都無嘅室外浴池。此外，設施內仲有面積達60塊榻榻米大小嘅宴會廳/休息室、5個私人休息室，甚至亦會提供茶水服務。特別浴室亦相當值得一到㗎！
私人房內嘅特別浴室
如果提前預訂，您就可以為您嘅家人或朋友準備私人房間，最識嘆一定係喺房內裸身浸溫泉！除此之外，您亦可以一試換上懷舊樣式浴衣嘅滋味。請注意，特別浴室需提前3個月預約。
相關資訊
- 名稱：道後溫泉別館飛鳥乃湯泉
- 地址：愛媛縣松山市道後湯之町19－22
- 交通方式：從伊予鐵道JR松山站前站出發，約25分鐘可抵達伊予鐵道市內電車道後溫泉站。從道後溫泉站步行約10分鐘即可到道後溫泉別館飛鳥乃湯泉。
- 開放時間：6:00 to 23:00 * 最後入館22:30 *設施使用，每人限90分鐘。
Comments