「Cool Japan」嘅日本軟實力(soft power)領域逐漸備受關注，造訪日本嘅外國人相對比以前多。甚至，亦有越嚟越多外國人開始想要喺日本工作。另一方面，語言與文化嘅隔閡，亦讓唔少外國人喺生活或工作方面撞板。即使係咁嘅情況下，為咗要跟上全球化潮流，確立國際社會上嘅地位，日本亦不外乎地需要外國人協助。
日本嘅企業，雖然招募外國人嘅情況逐年增加，但係根據日語能力與個人能力等情況，每個人嘅求職方向與過程都會有所唔同。今次，FUN! JAPAN編輯部簡單幫大家彙整幾種過程，希望可以畀未來想要去日本就業嘅人作參考。
留學→求職活動→工作
而家喺日本工作嘅外國人，有唔少都係採用上述過程。學好日文對將來會有所幫助，因此下定決心去日本留學。「Work & Life in Japan」系列嘅第二篇文章，就曾經介紹過如何長期留喺日本，例如去讀日本語學校畢業後，升學然後求職，或者係日本語學校畢業後直接求職等等，詳細內容→【Work & Life in Japan Vol.2】好想喺日本住！長期居留日本嘅方法
喺自己國家跨國求職→赴日工作
現今網絡無國界，網上面試等等亦成為一種新趨勢，喺海外直接獲取日本企業offer嘅情況亦不斷增加。就好似本系列第9篇文章入面所介紹，為咗解決人力不足嘅問題，根據職業種類嘅唔同，亦有出現對日語能力無特別要求，就直接從海外招聘嘅情況。求職者唔喺求職當地就無法搵工嘅情況，對於網絡無國界嘅當今社會已經不成問題。想知道詳細內容請睇→【Work & Life in Japan Vol. 9】日本企業所要求嘅語言能力
就學中實習→畢業後直接返工
日本政府亦推行大學與企業合作，以實習方式亦能取得學分嘅制度。有部分企業採用實習生，除咗可以藉此判斷呢位實習生係咪公司所需要嘅人才，亦可以減低「請」錯人嘅風險。另外，如果係外國籍嘅實習生，亦能提出與日本人唔同、擁有前所未有嘅新角度。
打工度假→求職活動→工作
打工度假簽證係兩國‧地區之間所簽訂嘅協議，唔超過一定嘅時間內，畀更多年輕人能了解日本嘅文化與生活。另外，要取得日本打工度假簽證，年齡要係18歲以上、30歲以下，有年齡與滯留期間限制，受限比較多。不過，近幾年亦有部分人會先用打工度假簽證作為喺日本正式工作嘅跳板，所以有外國人拎住簽證做全職工作。加上外國旅客增加，日本對於外國人手嘅需求亦因此增加，據聞最需要外國人材係酒店與餐廳等與觀光有直接關係嘅企業。不過，正如前面所提到，打工度假一旦過期就無法繼續留喺日本，對於想長期留喺日本嘅人嚟講或者係缺點，不過只要喺就快到期之前搵到願意幫忙申請工作簽證嘅企業，就可以繼續留低～
總結
今次簡單介紹咗幾種外國人可以喺日本工作嘅過程，要適應唔習慣嘅文化，講唔熟悉嘅語言，無論係搵工或係工作中，都比想像中嚟得辛苦。當然，亦有好多企業睇中外國人可以馬上派上用場，加上識講日語+自國語言嘅優勢。所以，希望呢篇文章可以畀將來想去日本工作嘅您少少幫助~
相關文章
- 【Work & Life in Japan Vol.1】喺日本社會中存在感越嚟越高嘅外國人
- 【Work & Life in Japan Vol.2】好想喺日本住！長期居留日本嘅方法
- 【Work & Life in Japan Vol.3】日本外籍員工越嚟越多 人數變化解說&分析
- 【Work & Life in Japan Vol.4】YOU！點解對日本有興趣？
- 【Work & Life in Japan Vol.5】於日本工作所需嘅「居留資格」全種類解說！
- 【Work & Life in Japan Vol.6】選擇日本作為自己嘅職涯首站
- 【Work & Life in Japan Vol. 7】關於日本嘅雇用形式
- 【Work & Life in Japan Vol. 8】放低穩定工作 出走日本提升自我價值
- 【Work & Life in Japan Vol. 9】日本企業所要求嘅語言能力
Comments