FUN! JAPAN 藝術・文化 日本文化

【Work & Life in Japan Vol. 9】日本企業所要求嘅語言能力

# 日本文化 # Work&LifeinJapan

眾多日本企業為加强國際競爭力，聘用外國人嘅比例亦日漸提升。考慮錄取外國人時，語言問題可以話係企業方面最不安嘅地方。根據不同行業，所要求嘅日語能力亦會唔同。如果想喺日本就業嘅話，究竟日文要去到邊個LEVEL會比較好？今次嘅文章，會分享企業方面所要求嘅語言能力程度。

如何評定日文程度？

喺日本工作嘅外國人多數會透過日本語能力試驗 （JLPT）去評定日語水平。考試分為五個等級（N1～N5）。

  • N1能夠理解運用於各種場合嘅日文
  • N2能理解日常生活中嘅日文，和一定程度上理解運用於各種場合嘅日文
  • N3能大致理解日常生活中所使用嘅日文
  • N4能理解基礎程度嘅日文
  • N5能大致理解基礎用語

在日工作嘅外國人大部分擁有N4以上嘅日語水平，亦會遇上擁有專業技能等人士，其日語水平雖然比較低，但亦被相關企業採用嘅例子。因為只要能大致聽得明比較慢語速嘅日常基本會話嘅話，對於日常生活係唔會有太大障礙。另外，喺日本參加就職活動嘅外國人，大約9成人嘅日語水平都會有N2以上。

唔識講日文就唔可以喺日本工作?

要喺日本工作嘅話，識講日文係必要條件嗎？呢個問題，實際上係無正確答案。一般嚟講，特別係企業方面，都會要求外國人擁有較高水平嘅日語能力，但亦有越來越多行業為解决人才不足問題而莫論日語水平嘅高低採用外國員工。以下落嚟會講解一下，有關職場上所需要嘅日語水平，當中大致分為3種模式。

① 幾乎無需要用到高水平日語能力嘅工作模式

日本政府製訂高度人材簽證制度且積極引進相關人材，尤其喺IT、製造業工程師等等持續人手不足嘅情况下，企業更積極錄用外國人工程師。喺呢個情況下，比起高水平嘅日語能力，企業一般更重視擁有高技術、新知識等開發經驗嘅技能人材。只要識得簡單嘅日文讀寫程度就可以，而且亦比較重視英語能力。另外，工廠和建造業現場等行業亦正在為慢性人手不足而煩惱，工作現場無需要高水平嘅日語能力，況且要用到日文嘅機會唔多，因此亦會常常遇上唔識講日文嘅外國人身影。

② 使用日文、母語外語嘅比例各佔一半嘅工作模式

日本企業致力向海外發展，為取得商業貿易上嘅成功，聘用既能使用日語及外語，而且理解日本與外國當地嘅商貿習慣嘅外國人員工等情况亦唔少。另外，為滿足每年增長嘅外國遊客，對於外國人嘅聘用需求亦持續增加。特別係旅遊行業，只提供日語服務係唔足夠，因此各大企業都會選擇聘請精通外語嘅外國員工作為日語以外嘅語言對應。對於被騁請嘅外國人嚟講，亦成為連接日本和自己國家嘅橋樑，靈活運用日語和母語。

③ 全日語環境下嘅工作模式

有唔少外國人喺日本入讀日語學校，大學、大學院(相當於研究院)等課程畢業後，都會同日本應屆畢業生一齊參加就職活動。根據企業嘅行業種類，亦會出現無需外語能力，要喺全日語環境下工作嘅職位。喺呢種情況下，一口相當於日本人嘅流利日語，就係相關企業所要求嘅能力之一，可以話係適應日本社會中嘅最高境界！

總結

睇完以上分享，喺日本生活嘅外國人，當中每個人嘅工作模式都可能有所不同。即使日語能力不太高，亦能夠遇上可以喺日本工作嘅機會。
但從另一角度去睇，出發去日本之前，先學少少日文打定個底，至少可以應付日常生活所需呢一點亦不容忽視。可以用日文同當地日本人傾計、明白電視、報紙內容，日常生活中能夠用日文作溝通，就可以加倍享受在日生活啦！

関連記事

更多相關日語資料

FUN! JAPAN網站推出咗「日本語能力試驗對策」嘅練習試題，目前有N1同N2、N3嘅文法、語彙、讀解、聽解…等試題，並且陸續新增中，準備緊日文考試嘅讀者不妨去試吓做練習啦～


目錄

Comments

      預約你的行程

      Survey[問卷調查] 關於日本旅遊

      Recommend