NAMBA WALK地下購物街，以地下鐵Osaka Metro 御堂筋線「難波站」為中心，往東邊延伸一直至Osaka Metro「日本橋站」，往西邊則可通往JR「難波站」。即使天氣不似預期，都可以全天候愉快購物與享受美食！以下，就嚟馬上為大家介紹NAMBA WALK地下購物街嘅設施重點與方便性～
到NAMBA WALK享受地下街購物樂趣
坐落於大阪市難波嘅NAMBA WALK地下街與3個主要車站相通，全長約715米。地下街被劃分成3個區域，並以1～3番街區分，內裡共有237間店鋪進駐，從服飾、美容用品、雜貨、手信等各種店鋪應有盡有，因此現時日本最熱門搶手嘅話題新商品都一一可以喺呢到搵得到！此外，街上亦有多間餐廳、café等餐飲食肆，日式、西式、中式料理以及甜品等，行到攰時要醫肚同樣方便。
購物地下街×藝術美術館！？
NAMBA WALK內共有5座廣場，有時候會展出美術品或舉辦活動，讓遊客們逛街之柋亦能夠體驗多元化樂趣。例如在1番街「ART PARK」以及3番街「NEWS PARK」，就展出咗美國三大美術館之一嘅「芝加哥美術館」館藏作品嘅複製陶板畫，又或放有鯨魚外觀紀念雕塑嘅休憩空間「鯨園」，氛圍宛如劃時代地下街美術館。
多項貼心服務讓外國遊客更盡情爆買！
NAMBA WALK與車站相通，就算係落雨天都不愁掃興。重點係，商場為外國遊客提供多項服務，例如係3處外幣兌換所、2處投幣式寄物櫃，以及約40間提供免稅服務嘅店鋪，要爆買更方便！
除官方網站外，導覽APP更提供多國語言，讓外國遊客能簡單獲取NAMBA WALK資訊，再加上成條地下街都會提供免費Wi-Fi，想即使上網check價都唔成問題！
不定時舉辦各種超值優惠活動
與日本各地商場相同，NAMBA WALK都會不定時舉行大減價、顧客感謝祭、抽獎等優惠活動，有時候甚至會發放免費折扣券。如果運氣好的話，就可以買得聰明划算又盡興！
前往NAMBA WALK嘅交通方式
NAMBA WALK直通Osaka Metro「難波站」與「日本橋站」以及JR「難波站」等，交通非常方便。從關西國際機場，可乘搭直達巴士抵達與地下街直通嘅大阪市區轉運中心(OCAT)。
設施資訊
- 設施名稱：NAMBA WALK
- 地址：大阪市中央區千日前
- 最近車站・最近出口：
- 1番街：Osaka Metro「難波站」22・23・27號出口/近鐵「大阪難波站」西・東驗票口
- 2番街：Osaka Metro「難波站」16・17號出口/近鐵「大阪難波站」東驗票口
- 3番街：Osaka Metro「日本橋站」3・4號出口/近鐵「近鐵日本橋站」西驗票口・虹驗票口（12～20點）
- 營業時間：（服飾、娛樂、美食）10：00～21：00／（餐廳）10：00～22：00
- 公休日：奇數月份第三個星期三、元旦
- 提供語言：英文、中文（繁體・簡體）、韓文（官方網站・導覽地圖上）
- Wi-Fi：有（「NAMBA_Walk_Free_Wi-Fi」）
Comments