大阪道頓堀嘅劇場文化相當鼎盛，眾多日本知名搞笑表演以及日本表演藝術劇場，都係從道頓堀周邊發揚光大至日本全國。今次，FUN! JAPAN編輯部就要介紹大阪市難波區內3座劇場，除咗最基本「食、玩、買」行程，亦非常適合大家趁機欣賞日式表演藝術！
難波豪華花月劇場 ：吉本興業搞笑殿堂
提到搞笑文化，就會諗起大阪；而提到大阪最具代表性嘅搞笑劇場，就必定非「難波豪華花月劇場（Namba Grand Kagez，通稱NGK）」莫屬！劇場由日本知名大企業吉本興業營運，旗下諧星藝人唔單只會於電視節目亮相，亦會於難波豪華花月劇場登台表演。對於熟悉日本娛樂圈與電視節目嘅讀者嚟講，應該唔會陌生吧？
除咗相聲表演以外，劇場內仲有吉本新喜劇、落語、活動等多姿多采娛樂表演可供欣賞，而且眾多實力堅強嘅搞笑藝人亦會登台表演，從生力軍到功力純熟大師級演出都應有盡有，保證會令您捧腹大笑、沈浸於大阪獨特搞笑世界中。溫馨提示，劇場僅提供日文演出，不諳日文嘅讀者或者會比較難投入演出，不過劇場外亦設有影相留念或「吉本新喜座長與AR拍攝」場景，又可以同搞笑藝人吉祥物合照，有興趣的話都可以不妨參觀～（目前因新冠肺炎暫時停止開放）
設施資訊
- 設施名稱：難波豪華花月劇場（Namba Grand Kagez）
- 地址：大阪市中央區難波千日前11-6
- 交通方式：從各線「難波站」、Osaka Metro「難波站（なんば駅）」徒步約7分鐘
- 門票：4,800日圓（1F）、4,300日圓（2F）
- 表演時間：約120～135分鐘
- 演出時間：詳細請上官網查詢
大阪松竹座：延續與創造舞台藝術
想要觀賞歌舞伎等日本傳統表演的話，就要嚟到大阪松竹座！位於大阪嘅大阪松竹座係一座由於歌舞伎製作、演出方面擁有超過120年歷史嘅松竹株式會社（日本五大電影公司之一）直營嘅劇場，除歌舞伎、日本舞蹈之外，場內亦會舉辦演唱會、音樂劇等各式各樣表演活動，係一處能夠接觸多方面日本文化與藝術嘅地方。
擁有將近100年歷史嘅大阪松竹座，建築本身復古感亦係觀賞推薦重點。正面大拱門特徵在於其新文藝復興風格，使用意大利大理石建造嘅牆壁與地板、以四季景色為主題嘅日本畫，以柿色等日本傳統顏色作為基調嘅場內帷幕等等，處處都係精彩睇頭！
設施資訊
- 設施名稱：大阪松竹座
- 地址：大阪市中央區道頓堀1-9-19
- 交通方式：Osaka Metro「難波站（なんば駅）」徒步約1分鐘
- 門票：因表演內容價格各異
- 營業時間：因表演時間各異
道頓堀博物館並木座：歌舞伎與文樂體驗型博物館
於2019年3月開幕嘅道頓堀博物館並木座，係一座全新體驗型觀光景點。道頓堀劇場文化自古一直盛行至今，而並木座嘅目的，就旨在傳揚孕育出過去與現在歌舞伎、文樂嘅400年劇場都市歷史。
博物館將為遊客展出歌舞伎與文樂相關歷史資料，並介紹文樂中使用嘅人偶、劇本、以及舞台轉動嘅畫面。設施貼心地提供5國語言語音介紹說明，非常適合想要更加深入了解展示品詳細內容嘅遊客。
博物館本身除咗係一座可容納35席嘅演出場地（因新冠肺炎對策，目前最多僅開放18席），同時亦係大阪一處相當推薦嘅影相打卡景點。步入博物館前，您會先見到外頭招牌上裝飾著文樂人偶以及歌舞伎知名作品嘅登場人物，聯同其他道頓堀街上店舖予人強烈鮮明印象；而內部裝潢則重現出江戶時代小劇場，宛如時光倒流般返回昔日日本。轉動舞台上更設有歌舞伎服裝立板，不妨可以戴上假髮、體驗一下歌舞伎演員正式準備上台演出嘅心情吧。
設施資訊
- 設施名稱：道頓堀博物館並木座
- 住址：大阪市中央區道頓堀1-1-6 Ｙ’s Pia道頓堀並木座大樓1樓
- 交通方式：Osaka Metro「日本橋站」徒步3分鐘／「難波站（なんば駅）」徒步7分鐘
- 門票：成人600日圓；兒童（小學生）300日圓；學齡前兒童免費；年長者（65歲以上）500日圓
- 營業時間・公休日：因應新冠肺炎對策營業時將變動調整。詳細請至官網查詢。
Comments