日本北至北海道，南至沖繩，整體跨過南北唔同氣候地理，所以隨住每個地方嘅氣候唔同，亦會影響價值觀同性格習慣等有所差異。由習俗文化，到當地美食，因為居住環境地方唔同，而形成唔同嘅文化，就可以睇得出係邊到人。如果我哋熟知當地人嘅習慣嘅話，遊日本各地時相信可以更有趣更順利。今次呢個系列文章將會為大家介紹長崎縣。
日本人之中最樂天？
於江戶時期鎖國政策中，只有長崎開放畀全世界嘅船隻通行，可能因此而培養咗比較國際、開放嘅個性，因為經常有機會接觸稀奇嘅外國食物同文化，所以長崎人充滿好奇心。另外，過往國際貿易往來嘅收益，有一部份甚至會分畀各戶居民，所以可以過比較富裕嘅生活，可以話養成長崎人樂天而且唔太會節約嘅性格。
盂蘭盆節會喺墳墓旁放煙花？
日本盂蘭盆節期間（即係香港所講嘅鬼節），長崎縣民會同親戚齊聚一堂，熱熱鬧鬧歡迎過世祖先歸來，甚至會喺祖先墓前放煙花，煙花火類款式由手持嘅仙女棒到豪華嘅大煙花都有，完全係將印象中寧靜墓地嘅氣氛炒熱。長崎縣縣民認為唔可以令祖先寂寞，要熱熱鬧鬧先好！
送故人嘅最後一段路非常盛大
每年8月15日舉辦嘅「精靈流祭」，係畀過身後第一次過盂蘭盆節嘅故人靈魂搭上船隻，送佢哋去西方極樂世界嘅傳統儀式。推著故人靈魂嘅船隻，後人會喺街上巡遊、敲響鐘聲、並點燃大量鞭炮。甚至有人會用成50萬日圓嚟大堆頭咁買鞭炮送故人上路，所以據講日本一年入面所用嘅鞭炮數目，大半都係用喺長崎呢一晚嘅傳統祭典上！喺呢個時期，長崎嘅家居量販店同埋超級市場，都會售賣堆積成山嘅爆竹。另外，街上會壟罩住鞭炮嘅煙塵，因此一定要帶定手巾同耳塞。
有客人嚟就叫雜錦炒麵外賣
客人嚟屋企作客時，長崎縣民絕對會點定外賣送大份嘅雜錦炒麵（皿うどん），大家一齊食呢個雜錦炒麵係長崎風格嘅盛情款待方式。
幾乎唔會踩單車
平時日本好多地方都會見到有人以單車代步，但因為長崎街道好多都係陡峭斜坡，所以幾乎完全唔會見到有人踩單車，可以話得好少人踩單車係其中一個特色。
巴士司機嘅駕駛技術神乎奇技
長崎有個別名，稱為「坡之町」，意思就係好多斜坡斜路。要喺呢到穿越陡峭嘅髮夾彎並行駛於狹窄小路中，因此縣內嘅縣營巴士就擁有「日本第一駕駛技術」嘅稱號。
當地美食係「土耳其飯」？
當地居民深愛嘅本地美食係「土耳其飯」，其實係將拿破崙意大利粉、炸豬排、咖哩同飯都放埋一齊嘅嘢食。唔知道最初係出自何處，但入面就完全無土耳其嘅元素，但就叫做「土耳其飯」。
喺日本全國有好多令人難以置信嘅各地縣民特性，喺其他縣民眼中係非常有趣嘅事。本系列文章將會陸續刊登，敬請期待！歡迎有任何意見或感想，都可以喺右邊嘅留言欄話我地聽！仲想知道邊啲縣嘅獨特縣民個性，都歡迎留言唷！
系列文章
- 日本47都道府縣特輯 Vol.1 北海道篇「 北海道的○○很厲害！」
- 日本47都道府縣特輯 Vol.2 沖繩篇「沖繩的○○很厲害！」
- 日本47都道府縣特輯 Vol.3 優雅京都篇「京都的○○很厲害！」
- 日本47都道府縣特輯 Vol.4 大阪篇「大阪的○○很厲害！」
- 日本47都道府縣特輯 Vol.5 奈良篇「奈良的○○很厲害！」
- 日本47都道府縣特輯 Vol.6 福岡篇「令人驚嘆的福岡縣！」
- 日本47都道府縣特輯 Vol.7 佐賀篇「令人驚嘆的佐賀縣！」
- 日本47都道府縣特輯 Vol.8 鹿兒島篇「鹿兒島縣的○○很厲害！」
- 日本47都道府縣特輯 Vol.9 沉靜熱情。千葉縣民以縣為榮，不輸人！
- 日本47都道府縣特輯 Vol.10 愛知的○○很厲害！
- 日本47都道府縣特輯 Vol.11 栃木篇「栃木縣的○○很厲害！」
- 日本47都道府縣特輯 Vol.12 與其說縣民特質，不如說市民特質？羨慕目光投射盡在神戶市的兵庫縣縣民
- 日本47都道府縣特輯Vol.13 熊本篇「熊本縣的○○很厲害！」
Comments