日本時裝品牌「UNIQLO」粉絲遍佈全球，FUN! JAPAN讀者之中應該都有唔少人係「U記」愛好者吧？品牌唔只多年以來一直推出多款大熱商品，實體店亦一樣不斷進化！而本文，就會為各位介紹於2020年夏天開張、位處東京銀座嘅UNIQLO最新店舖！
UNIQLO TOKYO：全球旗艦店進駐銀座
剛於2020年6月、進駐東京銀座嘅「UNIQLO TOKYO」係號稱全球最大型店舗之一嘅全球旗艦店。新店有幸邀請到日本著名藝術指導佐藤可士和先生擔任創意總監，又有曾榮獲「建築師諾貝爾獎」之稱「普立茲克建築獎（Pritzker Architecture Prize）」以及高松宮殿下記念世界文化賞嘅瑞士建築師團隊Herzog & de Meuron加盟設計團隊，因此旗艦店嘅外觀．內觀可謂全面體現出東京潮流最尖端嘅LifeWear美感哲學。
店内中央採用挑空天花設計，打造出充滿開揚感覺嘅4層高購物設施。
自創獨一無二UNIQLO商品「UTme」！
有機會到訪UNIQLO TOKYO的話，請一定要嘗試體驗「UTme!」服務。「UTme!」即係一項顧客可以於專區內自由選擇圖像及文字配搭、並簡單DIY出獨一無二T恤及帆布袋嘅體驗。DIY過程非常簡單－先選擇材料及圖像效果，然後使用店舖ipad或事先下載好UTme!手機APP嘅智能手機，再決定設計就大功告成！您更可以即場訂購．購買設計好嘅T恤𠻹！順帶一提，可以挑選嘅圖案款式來自10間銀座當地老字號店舖，拎嚟做銀座特色手信就fit晒。
豐富產品種類搶攻家庭客
銀座旗艦店另一賣點，就係商品種類涵蓋男裝、女裝、童裝，甚至係BB衫都有，無論係男女老幼都絕對可以搵到心頭好！店舖1樓為LifeWear主題樓層、2樓為女裝樓層、3樓為男裝樓層，而4樓就由童裝與嬰兒服裝組成。想要快人一步check清楚今季最新潮流的話，您可以去1樓嘅「LifeWear SQUARE」；朋友、伴侶或夫婦想享受購物樂趣的話，請到2樓及3樓；帶住小朋友遊日本嘅家庭客，就可以到4樓，事關4樓設有兒童區，大朋友shopping時可以放低小朋友睇故事書或畫畫，完全照顧晒家庭客嘅需要！同層嘅ARCHIVE展覽室內，則展出咗往年嘅人氣商品，話唔定您屋企嘅衣櫃內都會有一兩件歷史珍藏！？
店舖資訊
- 名稱：UNIQLO TOKYO
- 地址：東京都中央區銀座3丁目2-1 Marronnier Gate 銀座2館 地面1〜4樓
- 營業時間：11:00～21:00
- 交通：JR有樂町站徒歩4分鐘、東京Metro銀座座徒歩3分鐘、或東京Metro銀座一丁目站徒歩2分鐘
※另一篇文章內有介紹原宿分店「UNIQLO HARAJUKU」，記得睇埋喇↓
Comments