東京「池袋」係人氣嘅觀光點之一，好行又多好嘢食、好玩又多嘢睇，唔只吸引到東京圈外嘅日本人前嚟觀光，亦係外國觀光客必去嘅觀光點，相當受歡迎。當中，鍾意睇日劇嘅人應該都會知道，就係大名鼎鼎嘅「池袋西口公園」啦！今次，要同大家介紹重新改裝之後，以唔同風貌呈現於大家眼前嘅嶄新景點劇場公園「池袋西口公園」！
池袋西口公園搖身一變成為室外劇場「GLOBAL RING」！
池袋西口公園距離池袋車站徒步約2分鐘，一出池袋站西口就可以搵得到。過去呢度曾經係豐島師範學校嘅舊址，而後善加活用改建成公園。當初大受歡迎嘅同名日劇，就係喺呢度取景。喺2019年11月，更以劇場公園「GLOBAL RING」之新姿態再次與世人見面。
震撼感官嘅報時SHOW「BLUE PARCLOCK」！
「BLUE PARCLOCK」會於每小時嘅整點登場，時間為5分。呢5分鐘能夠欣賞到大型視覺效果與噴水SHOW，去了夜晚仲會搭配燈光，令您白天與晚上都可以欣賞到震撼五官嘅報時SHOW。另外，每個時段嘅內容亦會根據當日天氣、氣溫與溫度等當場解析加以變化，僅透過相片係好難傳達親眼見到嘅視覺感官效果。因此推薦您有機會一定要親自造訪體驗呢個震撼感官嘅報時SHOW。
越玩越有趣好玩！「RING NOTES」
去到劇場公園「GLOBAL RING」，仲可以體驗稱之為「RING NOTES」嘅AR體驗。首先，用智能手機掃一掃上面嘅QR CODE後開啟手機瀏覽器，將相機鏡頭朝向劇場嘅「GLOBAL RING」，上頭便會出現音符圖案，手機沿著建築繞一圈，畫面中嘅音符亦會開始有動作，音樂亦會跟著響起。小編也為如此嘅設計嚇咗一跳。池袋西口公園唔單只係一座公園，仲係一個可以體驗AR嘅嶄新公園，下次有機會推薦您一定要親眼嚟睇睇劇場公園「GLOBAL RING」嘅不可思議啊~
景點情報
- 景點名稱： 池袋西口公園
- 地址：東京都豊島區西池袋1丁目8−26
- 交通方式： 池袋站西口步行約2分鐘
Comments