大家每次嚟到東京嘅時候，可能一定都會去「原宿」行返轉吧？近月，一處適合各位血拚購物同時又能享受美食嘅商業設施「WITH HARAJUKU」於原宿開幕，全新設施距離原宿車站僅1分鐘路程，再加上附近竹下通、表參道、明治神宮等著名觀光景點、佔盡地利，因此輕易成為原宿之旅必去新蒲點，一次過滿足您購物與觀光願望！
「WITH HARAJUKU」唔只走在潮流前端 更向世界宣揚獨自特色文化
「原宿」係日本年輕人文化主要發源地，日本眾多「次文化」都係由原宿發跡並逐漸發揚至日本各地與海外。而「WITH HARAJUKU」嘅目標就係，唔單只要走在潮流尖端，更要向全世界宣揚獨自特色文化，因此有別於其他商業設施，設施內進駐著多間極具自己特色嘅店鋪。
「WITH HARAJUKU」由地下3樓至地上10樓構成，地下2樓至地上3樓內共有14間特色店鋪進駐，分別為生活雜貨、運動用品、服飾、美妝品牌以及餐飲店，集結各式各樣業界。除咗有首次喺原宿登場嘅品牌之外，今次亦有強勢回歸原宿、以及一直都有於原宿設分店嘅品牌。「WITH HARAJUKU」東邊更設有綠化室外空間，您可以自攜食物或飲品到此享用，順便一覽原宿街景。
「IKEA」首間東京都心店舖 就在「WITH HARAJUKU」！
萬眾期待！「IKEA」首間設於東京都心嘅店鋪，就選址於「WITH HARAJUKU」！最特別嘅係，店內更有全球第一間「瑞典便利店」，除咗出售原宿限定商品之外，亦販賣多款精緻商品。另外，大家都知道嚟到「IKEA」另一重點就係「食」，因此「瑞典café」就特地推出原宿店獨家特色美食，有機會的話，推薦大家可以嚟參觀比較一下同台灣「IKEA」有乜嘢唔同喔～
時隔8年「UNIQLO」強勢回歸原宿
時隔8年，UNIQLO再次強勢回歸原宿！全新原宿店一大特點，就係設有販售T恤「UT」嘅專門區域「UT POP OUT」，內裡陳列出與知名藝術家、品牌聯名嘅「UT」款式。招牌產品與男性、女性商品以外，店內亦有為大家準備咗多款以「原宿」為主題嘅設計商品。
「WITH HARAJUKU」內除咗本文介紹嘅店舖之外，仲有日本國內最大型馬汀鞋品牌「Dr. Martens」、「資生堂Parlour」等店鋪。「WITH HARAJUKU」進駐年輕人聚集嘅地區，亦作為文化發信新景點全新登場，今後發展相當值得注目！下次嚟東京時，非常推薦各位編入行程朝聖清單，行完之後仲可以順便轉戰表參道以及竹下通𠻹♪
設施情報情報
- 施設名稱：「WITH HARAJUKU」
- 地址：東京都澀谷區神宮前1丁目14－30
- 營業時間：7：30～23：30（各店鋪實際營業時間請參閱店鋪網站）
- 交通方式：「JR原宿站」步行1分鐘/東京Metro千代田線「明治神宮前(原宿)站」步行1分鐘
Comments