「對MADE IN JAPAN產品完全無抵抗力！」、「時下最hit話題產品一定要快人一步post上Facebook（或IG）！」、「日本各地仲有大把特產未試過、但今年都應該無得『返鄉下』…」－小編完全明白大家有幾咁鍾意同掛住日本，適逢咁啱收到風、香港今個7月起會有自動販賣機出售由靜岡縣直送嘅當地特產！難得全天候24小時都可以買到「日本直送」，當然要為大家做詳細介紹啦！想率先知道各款產品有乜特別同小編實際試後感，就要bookmark呢篇文章喇！
「遊日達人」必check最新型自動販賣機
提起「24小時」可能大家都會首先諗起便利店，但其實香港嘅自動販賣機早已不斷進化，由雨遮、清酒、便當到口罩，而家就連各位香港人摯愛嘅Made in Japan特產都一樣可以24小時買得到！由「日本產地直送公司」負責營運嘅自動販賣機主打日本各都道府縣嘅「直送」產品，機身設有螢光幕介紹各產品，等您畀錢前唔使再「估估吓」！自問「返鄉下」返到成本護照都係日本入境印嘅「遊日達人」，無理由錯過吧？
小編親身試用！靜岡縣特產有乜賣點？
為照顧各位首次接觸靜岡縣名產嘅讀者，所以小編Maru就決定親身上陣為大家作詳盡介紹！事不宜遲，今個夏天來自關東靜岡縣嘅地道特產大解剖，即刻由飲品部門開始！
Part 1〜飲品篇
今次登場嘅飲品一共有3種，分別係由左至右「清水の紅茶」紅茶、「ぎゅっとみかん」以及「あおしまみかんジュース」2款蜜柑果汁。事實上，除咗坐擁世界遺產富士山以外，靜岡縣仲係日本全國第3大蜜柑產地，而當中「青島溫洲」就係一大代表品種。「青島溫洲」一般糖度可達13度以上，因此榨成嘅果汁都唔怕會「酸咪咪」！今次2款產品都以「果汁100％」做賣點、用料充足絕無欺場呀！
MARU飲後感：「果汁100％」入口勁rich，屋企小朋友一定會鍾意飲！鍾意清新口味的話，前者會比較適合；相反偏好濃郁口味的話，後者則比較推薦！
今次登場嘅仲有選用靜岡縣清水區名牌紅茶「Machiko」嘅「清水の紅茶」，紅色包裝上印有富士山插圖，勁有日本風味！
MARU飲後感：果然係無糖紅茶，就算我本身唔太鍾意偏甜嘅紅茶都一樣可以接受得到，而且仲要係零卡路里，啱晒一眾OL呀！
Part 2〜焙茶篇
另一款同期登場嘅，有完全不含農藥嘅茶葉100％焙茶粉末。「焙茶」即經高溫焙煎過嘅綠茶，因高溫使咖啡因含量相對減少，味道比起其他茶種來得更清爽，亦比較適合老人家或小朋友飲用。由於係粉末狀，所以喺屋企整甜品或沖latte時，亦可以考慮加入焙茶粉末，重現古早日本味！
MARU飲後感：沖水之後即刻就聞到大大陣茶香，而且包裝隻熊真係勁可愛，拎返office飲的話同同事一齊開心share就最啱。
Part 3〜「濱松注染」手巾篇
靜岡縣濱松市係日本全國數一數二浴衣生產地，日本各地90％旅館提供嘅浴衣都係於濱松市生產製造。由於浴衣生產過程中必須用上染色技術，因此當地就慢慢發展出獨有「濱松注染」技術，至今已逾130年歷史。注染技術唔單只可以應用於浴衣染色上，仲適用於旗幟、手帕等，其最大特色就係通風良好，而且經清水清洗並天然風乾，絕對唔會刺激皮膚！
MARU用後感：一摸上手就feel到材質非常幼細柔滑，香港夏天天氣咁潮濕，帶出街抹汗就fit晒！
所有產品期間限定只售3個月！要買快手！
今次登場嘅產品仲包括玫瑰花味果醬「CONFITURE ROSE」、「焦香Wasabi醬油調味粉」等，可惜篇幅有限未能全部介紹，一於留待各位讀者自行發掘啦！再次提提大家，靜岡縣產品只限3個月期間限定發售，有買襯手！
自動販賣機設置地點：
- 馬灣（珀麗灣）
- 中港城
地點：皇家太平洋酒店大堂（近接船大堂出口）
- 丹拿花園
地點：會所內自動販賣機區域（僅限住戶使用）
- 昇悅居
地點：會所內自動販賣機區域（僅限住戶使用）
各產品售價：
| 產品名稱 | 售價 |
「CONFITURE ROSE」玫瑰味果醬 | HKD 145 |
| 「あおしまみかんジュース」（青島蜜柑果汁） | HKD 28 |
| 「ぎゅっとみかん」（GYUTTO MIKAN蜜柑果汁） | HKD 15 |
| 「清水の紅茶」（清水紅茶） | HKD 15 |
| 「ほうじ茶粉末」（焙茶粉末） | HKD 50 |
| 「こがしわさび醤油」（焦香Wasabi醬油調味粉） | HKD 45 |
| 「注染染め手ぬぐい」（注染手巾）※共4款設計 | HKD 120 |
| ※上述價錢為預定售價，價錢僅供參考。 |
sponsored by 日本產地直送有限公司
Comments