如果有諗過去日本九州地區旅行嘅話，只要睇旅遊書或者網上資訊時，就唔難發覺九州地區周圍都有溫泉。無錯，九州就係溫泉嘅聖地，溫泉遍布整個九州地區，而且每個溫泉成份都唔一樣。
而九州地區入面，最出名嘅溫泉區，相信要數別府。別府位在大分縣中部，鄰接別府灣。係日本最大出水量嘅溫泉區，所以亦非常受鍾意溫泉嘅遊客歡迎，每年都吸引好多日本國內同海外嘅遊客嚟觀光浸温泉。
別府擁有好豐富嘅泉質。泉質成分唔同，就會造成溫泉顔色唔同，會呈現出藍、紅、白色等各種顏色。有啲則係因為溫度過高，周圍仲出哂煙，唔適合用嚟浸溫泉，不過就造成咗好特別又不可思議嘅畫面，呢啲「恐怖」嘅溫泉合埋被稱為「別府八個地獄」。亦係唔浸得但睇得嘅「景觀溫泉」。
前往別府
可先搭乘飛機抵達大分或福岡機場之後，乘坐巴士抵達北濱站或JR別府站。再有好多方式可以巡遊地獄八湯巡遊。
鐵輪區的地獄
地獄八湯中有六個位於別府嘅鐵輪區。由JR別府站搭５號、７號或者９號巴士就可以去到。喺鐵輪巴士總站落車之後，就可以步行去到各個「地獄」。另外，每個地獄都有免費停車場，自駕遊亦係一個相當方便嘅移動方式。
前往別府嘅地獄八湯巡遊！
1. 海地獄（Umi Jigoku）
溫度：98℃
之所以名為「海地獄」係因為沸騰嘅水池塘入面顯現出明亮嘅淺藍色。係地獄八湯中景觀最別緻嘅。另外景點仲有個橙色小池塘同埋溫室。
必去度☆☆☆
2. 鬼石坊主地獄（Oniishi Bozu Jigoku）
溫度：99℃
呢個地獄同其他地獄最唔同嘅地方，就係喺池入面有滾燙嘅灰色泥漿。睇起嚟就有啲似和尚頭頂，所以就命名為「坊主」（光頭嘅意思）。
必去度☆☆☆
3. 白池地獄（Shiraike Jigoku）
溫度：95℃
呢個地獄嘅池入面，由於含有嘅礦物質影響，水係藍白色。旁邊仲有間複合式熱帶魚水族館，係利用溫泉嘅地熱嚟保持館内温度。
必去☆☆☆
4. 竈地獄（Kamado Jigoku）
溫度：90℃
呢個地獄係由多個池組合而成。各地獄被分成一丁目到六丁目，其中有個藍色嘅池，睇起嚟有啲似海地獄嘅迷你版，其實呢個池嘅顔色係會依時間而變化。途中遊客仲可以購買溫泉蛋嚟食，又或者享用免費嘅溫泉水。
必去☆☆
5. 鬼山地獄（Oniyama Jigoku）
溫度：99℃
喺呢個地獄，遊客可以近佢離見到接近一百條鱷魚浸喺泉入面，又或者喺泉嘅旁邊享受日光浴。
必去度☆
6. 山地獄（Yama Jigoku）
溫度：90℃
山地獄嘅特色係會喺山壁間噴出大量嘅熱氣。另外亦有利用溫泉地熱飼養好多動物。
必去度☆
柴石區嘅地獄
其餘兩個地獄位於柴石區。遊客可以搭巴士16/16A號由鐵輪區去到血池地獄，而由柴石區去鐵輪區嘅話，就搭巴士26/26A號。因為班次好少，建議可考慮坐的士，或者自駕遊就比較易控制時間。
7. 血池地獄（Chinoike Jigoku）
溫度：78°C
據說係日本最古老嘅溫泉之一，歷史約1300年。泉如其名，呢個地獄嘅顔色係深紅色，所以命名為血池。喺地獄八湯中人氣較高，又係打卡嘅好地點。
必去度☆☆☆
8. 龍捲風地獄（Tatsumaki地獄）
溫度：105℃
呢個地獄喺個噴泉式嘅泉，每30-40分鐘就會噴發一次，每次噴發會維持大概5分鐘左右。
必去度☆
景點資訊
地獄開放時間為上午8點至下午5點。每個地獄嘅票價介於400至550円之間。而八個地獄嘅組合票係2100円，有時間嘅人可以買組合票去制霸哂八個湯嘅地獄。無時間嘅人可以參考文章中嘅「必去度」，自己揀同計劃去邊個「地獄」。
※本文章首次刊登於2016年11月
Comments