仲未出社會嘅您，有無思考過將來第一份工作係咩類型？已經係社會人士嘅您，請回想一下您當初係如何選擇第一份工作呢？人生路有上百條，要點行？要點去揀？可能係因為家庭背景、當時嘅環境因素等而有唔同嘅考量。喺呢個往來與交流方便嘅地球村，有越嚟越多人因為嚮往海外生活而離鄉背井去到海外見見世面。特別係FUN! JAPAN編輯部內，有嚟自各國成員，每個人都有唔同經歷與背景。而今次，就要同大家分享每國成員嘅心路歷程。率先登場嘅係嚟自日本邁入第三年嘅泰國女孩‧GADE，喺泰國大學畢業後就直接闖蕩日本嘅情況啊。
談談您係從何時開始對日本有興趣
喺泰國，《多啦A夢》、《美少女戰士》等動漫相當受歡迎，而且都係翻譯成泰文再出版，所以而家嘅泰國年輕人可能由細細個就開始接觸呢類日本動漫，一定唔會陌生。而我都係，細個嘅時候因為哥哥嘅影響，亦係睇日本動漫長大啊，亦因此對日本開始產生興趣。不過，我嘅日文一直係去到大學，先至由あいうえお開始學。係喇，當初影響我嘅哥哥，係一句日文都唔識講(笑)。
搵工作更容易 為職業生涯加分
我喺大學主修嘅係日文。當初，會選擇日文做主修科嘅最大原因係對日本有興趣，另一個原因係，喺泰國有很多人都識得講英文，但係識講日文嘅人就無咁多。而且我認為將來搵工作嘅時候，識講日文嘅選揀會更多，對我嘅職業生涯係有幫助。
喺大學三年級嘅時候，我曾經以交換生嘅身分去日本留學，暑假嘅時候亦有去到日本短期留學。當時我嘅日文只有N3・N4左右嘅程度，而身邊嘅同學亦係泰國人，所以我嘅日文並唔係好流利。因此，我就把心一橫決定畢業後要再去日本。我嘅大學同學們畢業後大多數直接喺泰國就業，只有我係唯一一個再次返到日本，因為我想日文可以變得更加流利。
再次赴日後 喺全日語環境中生活
大學三年級暑假嘅時候，透過日本語學校嘅仲介，所推薦嘅學校讀咗3個月，但由於身邊都係泰國人，所以印象唔多好。加上希望可以喺日本大學環境下學習，所以喺泰國大學畢業之後，就去申請東京知名大學嘅別科就讀，亦順利被錄取。喺眾多嘅留學生中只有我一個係泰國人，所以我係喺全日文嘅環境底下學習與生活。另外，落堂之後都有去餐廳打工，喺咁嘅環境下我嘅日文變得更加流利。另外，我好鍾意旅行，成日都會去日本各地走走看看。
您係點樣搵到目前嘅工作？呢份工作嘅魅力係？
我鍾意旅遊、攝影以及寫文章，因此希望可以尋找到一份能夠將自己經驗傳遞界大家嘅工作，就係「撰稿人」。剛好喺搵工嘅時候，遇上FUN! JAPAN有呢項職缺，我亦幸運地被錄取。進入公司之後，經常前往日本各地採訪，介紹日本觀光景點等等，亦將這些情報傳遞畀大家，真係非常開心。另外，公司裡面唔只得日本人，仲有嚟自各國嘅同事，亦令我學到各國唔同嘅文化。
當其時，搵工嘅時候，係透過求職APP搵到FUN! JAPAN編輯部嘅工作。我亦有用過人才仲介公司，但係登錄咗之後，發現他們都係介紹同我能力唔相符或者係唔鍾意嘅工作畀我。如果係喺網路自己搵或者用APP嘅話，對某間公司印象好唔好，鍾唔鍾意，各方面嘅資料都可以事先喺網路上面收集；亦可以直接同公司嘅人面對面交談，淨係應徵自己鍾意或是有興趣嘅工作。但係呢個只係我個人經驗，話唔定其他人會更加鍾意人力仲介公司嘅介紹方式。
可以講下您覺得日本嘅優點係？
泰國氣溫比日本熱，加上日本四季分明，呢方面喺泰國係感受唔到，因此可以欣賞到好多唔同嘅景色。而且，夜晚晏少少返屋企嘅時候都唔洗擔心，因為日本治安比泰國好。另外，喺旅行嘅時候我亦都感受到，日本鄉下嘅人對外國人非常好，再加上戶外活動有好多選擇，可以充分享受大自然嘅美。
送畀將來想去日本生活嘅人建議
我覺得要去日本之前，至少要喺自己國家學習一些基本日文再出發會比較好。如果係日文零知識嘅情況下就嚟日本嘅話，真係會好辛苦，特別是隻身前來嘅人，萬一有咩狀況發生嘅話，就無法向周圍嘅人尋求協助。如果你覺得講英文可以溝通嘅話，咁就錯了，因為喺日本敢講英文與識講英文嘅人並唔多。
另外，想去日本工作嘅話，如果喺國內無日系企業工作經驗嘅話，我覺得先去日本累積半年到一年嘅留學經驗會比較好，實際喺日本生活睇睇，確認自己係咪真係習慣日本文化，再決定下一步，因為觀光同生活嘅心態真係會好唔同喔！
相關文章
- 【Work & Life in Japan Vol.1】喺日本社會中存在感越嚟越高嘅外國人
- 【Work & Life in Japan Vol.2】好想喺日本住！長期居留日本嘅方法
- 【Work & Life in Japan Vol.3】日本外籍員工越嚟越多 人數變化解說&分析
- 【Work & Life in Japan Vol.4】 YOU！點解對日本有興趣？
- 【Work & Life in Japan Vol.5】於日本工作所需嘅「居留資格」全種類解說！
更多相關日語資料
FUN! JAPAN網站推出咗「日本語能力試驗對策」嘅練習試題，目前有N1同N2、N3嘅文法、語彙、讀解、聽解…等試題，並且陸續新增中，準備緊日文考試嘅讀者不妨去試吓做練習啦～
Comments