一到夏天，日本各地都會舉行魅力盛放嘅活動，當中「七夕」係備受注目嘅傳統節日之一。「七夕」時，於佈滿色彩繽紛嘅七夕裝飾擺設氛圍下，大家會喺綠色竹枝上綁上祈願短箋，品嚐七夕必食料理「素麵」，係日本自古以嚟嘅文化習慣。今年雖然無法親身去當地體驗，為咗令大家安在家中都可以感受到「七夕」嘅節日氣氛，FUN!JAPAN搜羅咗日本代表性嘅「七夕」精彩影片。記得睇片啊！
七夕傳說
講到「七夕」，腦海中會不禁浮現「牛郎」「織女」嘅浪漫故事。傳說中擅長織物嘅「織女」和認真養牛嘅青年「牛郎」結成夫妻，但因玉帝嘅反對而被迫分開，只能於每年7月7日相見。（※各國有各種不同說法）
日本嘅七夕由古時中國流傳過來，以前係宮廷中嘅傳統活動，直至現今已變成一般祭典活動，成為日本特有嘅文化習慣。而根據不同各地，日本嘅七夕祭亦會有所不同，當中就有7月和8月等舉辦時期嘅分別。當中兩者共同點係同樣會於街頭上佈置上色彩繽紛鮮豔嘅七夕彩飾，將心願寫喺細長嘅紙箋上，再綁上竹枝，冀盼願望實現。另外，七夕當日，亦有品嚐擁有豐富多彩嘅蔬菜伴飾嘅素麵。七夕期間，日本全國都會舉辦各種各樣嘅精彩活動，即刻分享兩段具有代表性嘅「七夕祭」影片。
①【宮城縣】仙台七夕祭
Скачать видео
仙台七夕祭嘅必睇位
擁有超過400年以上歷史，日本最有名嘅七夕祭之一「仙台七夕祭」於每年8月6日～8日，喺仙台市中心商店大街舉行，每年吸引超過200萬遊客。豪華絢爛嘅七夕彩飾，以及8月5日所舉辦嘅煙花大會係一大特徵，絕不可錯過。「仙台七夕祭」期間，通過擺設裝飾、七夕彩飾嘅製作體驗、寫上詩箋等各式各樣活動，令人可以投入其中，體驗到日本特有嘅七夕習俗。另外，宮城當地美食亦要好好品嚐啊。
- 舉辦期間：2020年8月5日（煙花大會）、8月6日~8月8日（仙台七夕祭）→ 今年活動中止
- 舉辦場所：宮城縣仙台市
相關文章
②【神奈川縣】湘南平塚七夕祭
Скачать видео湘南平塚七夕祭嘅必睇位
從東京出發到神奈川縣平塚大約需時一個小時。湘南平塚七夕祭可以話係超吸睛，喺主會場上夢幻繽紛嘅七夕裝飾約有成500件，啱晒影相呃like，每年都會吸引大量想一睹風采嘅觀眾！七夕祭活動當中，最令人食指大動又興奮莫明嘅屋台小攤檔有超級多，可以趁機盡情享受日本特色美食，而且連鬼屋都有得你玩！另外，最引人注目嘅另一亮點係，喺選拔賽中被選出嘅動人「織女」，以及過千人以上參加嘅豪華大遊行！湘南平塚七夕祭充滿歡樂氣氛，無論係大人定小朋友，都可以從中創造出夏日美好回憶。
- 舉辦期間：2020年7月3日~7月5日 → 今年活動中止
- 舉辦場所：神奈川縣平塚市
相關文章
日本各地仲有其他嘅七夕祭，下次來日本時您想參加哪一個呢？睇完影片後，歡迎留言話我地知感想！
Comments