日本係一個由北至北海道、南至沖繩組成，地型細長嘅國家。因應每個地方嘅唔同氣候，人民價值觀與氣質等亦會有所不同。從各地風俗文化到當地美食，唔同居住環境地方會孕育出截然不同嘅縣民特性，當我哋了解當地人嘅習性後，以後去日本各地旅行時就更得心應手啦！一系列文章嚟到第12篇，今次嘅目的地就係遊日旅客當中知名度甚高、神戶市所在嘅兵庫縣！
坐擁日本海與瀨戶內海兩片海、孕育多元多樣氣質
兵庫縣兩面靠海，瀨戶內海側整體較為城市化，而日本海側則散發著濃厚農村氣息，因此兩地居民特質截然不同。北部與東部氣候嚴峻，生活上過得較為純樸且勤奮；西部氣候溫暖，居民較為不拘小節，過得怡然自得；而東部縣民則多為積極且理智，特別係住喺神戶地區嘅縣民更擁有豐富好奇心。順帶一提，與陸地城市稍微有段距離嘅離島淡路島縣民則普遍個性開放又機敏。
雖然同樣係兵庫縣縣民，但各地縣民特質各異。一般唔太拘泥於縣民意識嘅習性，可以話係兵庫縣縣民嘅最明顯特色！
與其話係縣民特質、倒不如話係市民特質！兵庫人唔會講「我哋嘅縣」而係講「我哋嘅市」！？
當您問到住喺神戶市、西宮市、姬路市、蘆屋市等地嘅兵庫縣縣民嘅出身地時，好大機會佢哋唔會答您「兵庫縣」而係答您「○○市」，反映出自己係屬於某某市嘅強烈市民意識，反而對於出身於兵庫縣嘅意識則十分薄弱。相反，兵庫縣縣民對於其他縣縣民剛持寬容態度，非常容易相處。
神戶市本身嘅存在感大於兵庫縣本身亦係當地其特色之一。時尚港灣雲集多間時尚摩登國際企業令兵庫縣成為人人憧憬嘅大城市，當兵庫人同其他縣縣民提到「神戶」時，往往對方腦海中浮現嘅印象都會遠比「兵庫」強烈。
神戶人討厭與關西人混為一談
神戶市雖同處於關西地區，但並唔代表可以將佢同大阪混為一談！對追求西洋流行、走在潮流尖端嘅神戶人嚟講，唔注重外表、不修邊幅，充滿平民氣息嘅大阪人簡直就係水火不相容嘅關係。如果神戶市市民聽到自己嘅語言同大阪腔相提並論時，好大機會係會唔高興㗎！要區分對方係咪神戶人嘅方法出乎意料地簡單，例如問對方一句「何してるの？（您做梗咩呀？）」，神戶人係會講「何しとう？（しとん？）」而大阪人則會講「何してんねん」。
神戶人唔會經常食神戶牛
「神戶牛」係兵庫縣代表美食之一。兵庫人可能經常會被其他縣民羨慕「真係好呢，可以成日食到神戶牛」，但您要知道就算係住喺神戶，神戶牛依然係貴價食物，完全唔係日常生活中會用到嘅食材呢。
日本全國各地存在著多種令人難以置信嘅當地縣民特性，當中更有唔少唔適用於其他縣市嘅有趣習慣。本系列文章將會陸續刊登，敬請期待！如果有任何意見或感想，或者仲想知道邊啲縣份嘅獨特縣民個性，都歡迎喺右邊留言欄話我哋知呀！
系列文章
- 日本47都道府縣特輯 Vol.1 北海道篇「 北海道的○○很厲害！」
- 日本47都道府縣特輯 Vol.2 沖繩篇「沖繩的○○很厲害！」
- 日本47都道府縣特輯 Vol.3 優雅京都篇「京都的○○很厲害！」
- 日本47都道府縣特輯 Vol.4 大阪篇「大阪的○○很厲害！」
- 日本47都道府縣特輯 Vol.5 奈良篇「奈良的○○很厲害！」
- 日本47都道府縣特輯 Vol.6 福岡篇「令人驚嘆的福岡縣！」
- 日本47都道府縣特輯 Vol.7 佐賀篇「令人驚嘆的佐賀縣！」
- 日本47都道府縣特輯 Vol.8 鹿兒島篇「鹿兒島縣的〇〇好厲害！」
- 日本47都道府縣特輯VOL.9 「千葉縣民以縣嘅〇〇為榮，無得輸！」
- 日本47都道府縣特輯Vol.10 「愛知嘅○○好厲害！」
- 日本47都道府縣特輯VOL.11 栃木篇「栃木縣嘅○○好厲害！」
Comments