日本作家宮澤賢治係日本著名作家之一，多年來為世人留低眾多經典作品，連連佳作幾乎都會被列為小學生推薦必讀書單之中。但你又知唔知呢位寫出咁多部適合小學生閱讀作品嘅作家，居然亦有涉獵恐怖故事？本文就要為大家介紹日本人眾所周知嘅作品－宮澤賢治《要求特別多的餐廳》。
文章開頭如普通童話嘅開場白
兩個年輕男士帶著獵犬上山打獵，但即使太陽都已經快落山，兩人依然一啲收穫都無，再加上同導覽領隊走失、就連獵犬亦攰到行唔郁…就喺山窮水盡之時，兩人眼前突然出現咗一棟裝潢豪華嘅西餐廳－「山貓亭」。
見到餐廳招牌上寫著「非常歡迎身材福泰又或年輕嘅客人」，二人心諗：「我哋兩個既年輕又係福泰身材，餐廳一定歡迎我哋啦！」，於是兩人就走入店裡，但越走越深入，佢哋依然遲遲未見用餐嘅地方。
要求一個接一個，故事發展新奇有趣！
喺走入餐廳內部嘅過程中，兩人接二連三收到餐廳發出嘅指示，要求佢哋「梳好頭髮、抹走鞋上嘅泥土灰塵」、「將獵槍放低」、「請除低帽、鞋及外套」等等。兩人以為有大人物嚟到用餐所以需要遵守規矩，於是佢哋兩個就乖乖地照跟著做。
但係，後來佢哋收到一個非常奇怪嘅指示－「請用大壺裡頭裝滿嘅牛奶忌廉塗滿全身」，
而最後居然仲出現「諸多要求係咪覺得好煩呢？真係可憐呢。不過嚟緊呢個就係最後要求喇－將壺中嘅鹽巴塗滿全身啦！」嘅要求…
呢個時候兩人終於恍然大悟，發現原來自己就係料理嘅主角…
最後等待著您嘅可怕結局係…？
大門後傳來開心嘅交談聲。
「死啦，已經被佢哋發現咗喇。佢哋好似完全唔打算把鹽巴搽上身喎。」
「廢話，一日都係大佬嘅指示寫法太廢，仲寫啲乜鬼『諸多要求係咪覺得好煩呢？真係可憐呢。』咁寫太粗心大意喇啩。」
「咪理佢啦，反正我哋連塊骨頭都分唔到㗎啦。」
「您又講得啱，但如果佢哋唔行入嚟，我哋咪又係要負上全部責任！」
…對話內容流露出滿心期待二人「送上門」嘅心情。
兩人到底可唔可以平安返屋企呢…？
當兩人陷入絕望無助時，餐廳大門突然被撞破，獵犬破門而入嘅瞬間「山貓亭」亦隨之煙消雲散，兩人終於可以同領隊會合！放下心頭大石嘅二人臉如紙屑般皺成一團、大喊一場，大叫幾經辛苦終於平安返屋企！但係當兩人返到東京後就算沖涼、浸水，臉面都無法恢復原狀…兩張臉一直維持如同紙屑般皺巴巴嘅狀態…
標題所指嘅「「提出要求」一方，原來就係餐廳！！
故事中雖然無清楚描繪想食咗主角兩人嘅到底係咩外貌，但可以知道對方真面目就係妖貓。故事情節中流露出多個提示，例如餐廳名「山貓亭」、又或要求獵物塗上妖貓喜愛嘅牛奶忌廉等等。事實上，日本全國各地流傳著多個「貓又」妖怪傳說。已活於世上多年嘅貓咪最終幻化成妖，會講人話亦會如人類般行動，就算係關門開門都唔成問題！因國家而異，故事內容可能一啲都唔恐怖，甚至係令人覺得充滿奇幻呢。
點解主角嘅面容會一直保持變形呢？
一張完全變咗樣嘅面孔就咁跟住你一世，想醫又醫唔好，淨係想像係咪都覺得好得人驚呢？
作者強烈唔認同為咗全世界整體幸福而犧牲少部分人生存方式嘅想法，因此就藉故事批判人類傲慢。
故事當中嘅妖貓想要食人類，而一般嚟講，我哋人類係「食」嘅一方，好少置身於「被食」嘅一方，因此就會認為為咗生存而奪去其他生命係一件理所當然嘅事。
但係仔細諗諗，其實呢個想法絕非理所當然！
換個角度細味故事，或者你就可以理解了解故事中嘅懲罰，其實係為咗懲罰已忘記尊重生命嘅人類吧。
Comments