多謝大家熱烈支持！FUN! QUIZ第一彈見反應好，決定繼續開第二彈！！🎉
FUN! QUIZ除咗可以玩，俾大家自己估又得，同朋友搶答又得，或者最簡單，有興趣嘅資訊Mark低先，日後去日本旅行時可以盡情享受嘛！
事不宜遲，今次題目係日本美食～
拉麵、壽司、燒肉、關東煮、日式咖哩飯......想食嘅越數越多！
以下嘅各縣特產美食你又識幾多？知唔知係日本47個都道府縣入面邊個地方🗾嘅當地特色食物呢？
有想試想食嘅快手Mark低，日後去日本嗰個縣旅行時就唔好錯過啦～😍
～～～～～～～～～～～～～～～～～～～～～～～～～
主食 / 小食篇
第一題
畀大家熱吓身先！雖然日本各地都食得到，可以喺連鎖店食到，又可以喺祭典時擺賣嘅攤檔買到，但有個地方特別出名食呢個美食呢。
第二題
燒肉？！正！😋
唔係咁簡單嘅，拉遠啲睇真啲佢係咩？
喺某縣出名到有好多專門店，有啲仲開埋分店遍佈日本全國添。
第三題
嘩！咩嚟㗎？！咁似......？！😅
NONONONO，睇清楚啲～有隻專用小鏟喺鐵板上拎起煎好嘅食物嚟食㗎。🥄
第四題
呢款食物度度都食到，叫人點答？🤨
咁你又知唔知好出名嘅「讚〇〇冬」係邊個縣嘅特產？
海鮮篇
嚟到海鮮篇，貼士都大咗㗎，因為通常都係接近海邊嘅縣呢。（不過47個都道府縣入面應該超過一半以上都......）
第五題
嘩～～伊〇🦞啊～！邊個縣盛產？？
第六題
呢款食物喺日本全國最大嘅生產地係邊呢？鐘意食嘅朋友就唔好錯過去嗰個縣拆餐勁嘅！
第七題
圖中見到嘅白煙其實係溫泉♨️蒸氣。用高溫嘅溫泉蒸氣煮熟海鮮，保留食材原有鮮味，煮出嚟嘅海鮮特別鮮甜美味！
甜品篇
接著落嚟嘅甜品篇係比較難嘅題目，看似普通，但其實喺某縣特產？
第八題
有別於一般淋上五顏六色嘅汁嘅刨冰，呢款刨冰睇落似咩？
第九題
於16世紀中期被葡萄牙人引入日本某縣嘅蛋糕，係一種由雞蛋、砂糖、小麥麵粉、水飴、蜂蜜等焗成好似海綿蛋糕質感嘅甜點。
第十題
朵花🌹好靚呀！外層粉紅色嘅係士多啤梨味，裡面黃色嘅係香蕉味。因應季節，仲可以食到哈密瓜、提子等口味。
將雪糕整成花一樣，買嚟影相都好喎！📸 係邊個縣？下次去旅行買嚟食，up上Instagram呃Like先！😆
～～～～～～～～～～～～～～～～～～～～～～～～～
諗好哂答案未？心急想知邊個縣食到以上美食？
５...
４...
３...
２...
１...
開估！
- 大阪府 章魚燒（たこ焼き）
- 宮城縣仙台 牛舌（牛タン）
- 東京都 文字燒（もんじゃ）
- 香川縣 讚岐烏冬（讃岐うどん）
- 三重縣 伊勢龍蝦（伊勢えび）
- 廣島縣 蠔（牡蛎）
- 大分縣別府 地獄蒸料理（地獄蒸し料理）
- 鹿兒島縣 白熊刨冰（氷白熊）
- 長崎縣 長崎蛋糕（カステラ, Castella）
- 秋田縣 婆婆鐵匙羹雪糕（ババヘラアイス）
你最鐘意邊款美食呢？留言話俾我哋知啦～]
Comments