各位貓奴們千祈唔好錯過，日本最大型的貓咪寫真展&雜貨展「NEKO-NIST（ねこにすと）」！喺屋企都可以睇盡貓星人嘅得意樣，萌爆您個心。如果你都有珍藏嘅貓咪相片，歡迎喺FACEBOOK開心SHARE啊！
日本大型貓咪寫真展「NEKO-NIST」 線上開展
因為受到疫情影響，原定2020年3月後舉辦嘅貓咪寫真展「NEKO-NIST（ねこにすと）」，宣布中止活動。但由於眾多貓咪粉絲嘅期盼之下，主辦單位決定以線上展出方式，讓更多人可以零距離、零時差地欣賞貓咪得意萌萌樣。
第一回嘅展出好評如潮，所以決定再次推出。第二回熱烈登場！今次嘅主題係「超級絕妙！奇蹟的一枚〜就係要曬貓咪篇〜」（ニャンと素敵な奇跡の一枚〜猫自慢篇〜），望見一張張貓咪搞怪相，煩惱都被拋諸腦後，即刻去欣賞日本網友們嘅精采投稿！
「超級絕妙！奇蹟的一枚〜就係要曬貓咪篇〜」日本網友投稿相片集
媽咪！我搵唔到我隻襪吖…返學要遲到啦喵！（設計對白）
而家幾多點呀、仲、瞓、緊？!（碌大對眼望到實～）（設計對白）
最近成日留喺屋企好似肥咗少少，拉吓筋先...（設計對白）
主人成日都喺屋企打機 QQ…（設計對白）
數到3我就要開始跳啦…記得幫我影得型仔啲啊！（設計對白）
講個秘密妳知。妳、好、可、愛♡喵（設計對白）
媲美職業級嘅接球技！可以去甲子園啦～（設計對白）
網美貓咪必備～萌萌單眼表情（設計對白）
呀B啊！你再唔瞓，就無時間追「夫妻的世界」啦～（設計對白）
你想知本宮著幾號鞋嗎？（設計對白）
關於「NEKO-NIST」
「NEKO-NIST（ねこにすと）」係由株式会社BREAKPOINT所主辦嘅日本大型貓咪寫真展活動。自2018年秋季起，喺伊勢丹浦和店首次開展，之後喺樂町丸井、丸井今井札幌本店、仙台三越、名古屋榮三越…等日本全國各地巡迴展出。截至2020年4月為止，舉辦場次以超過16場，更創下三星期內達成7,000~9,000人入場嘅紀錄。
- 官方INSTAGRAM帳號：@neko_nist
- 主辦單位：株式会社BREAKPOINT
Comments