長期戴口罩時，橡筋掛喺耳仔耐咗就會耳仔痛，日本嘅公司就發揮創意，推出咗一啲小飾物嚟減輕耳仔痛問題，而且仲好靚，可以襯衫添。等我地一齊嚟睇吓呢啲小飾物啦～！
淡水珍珠同天然石嘅MASK HOOK
源於夏威夷天然石飾物品牌「MALULANI」就推出咗用淡水珍珠同天然石製嘅MASK HOOK，用咗佢就唔使將口罩嘅橡筋勾喺耳仔到，仲可以當成頭飾咁戴，除咗可以舒適咁戴口罩，仲可以裝飾埋頭後面添。
有花花款同埋蝴蝶款，各有黑白兩色，而且仲可以喺6款吊飾裡面揀1款加上去。
商品資訊：
- 價格：每款3,000日圓（另加稅）
- 質料：天然石、黃銅
- 全長：蝴蝶款 約12cm、花花款 約9cm
布頭箍變身成MASK HOOK
專門用古布做新飾品嘅品牌「Rema-K」就教大家點樣用布頭箍製成MASK HOOK。
用料只需要布頭箍，同埋兩粒鈕。
首先戴上布頭箍度好耳仔旁邊嘅位置，然後縫兩粒鈕上去就搞掂！
咁樣用咗布頭箍MASK HOOK嘅話，就算長時間戴口罩都唔怕耳仔會痛。
而且仲可以用唔同款嘅頭箍襯衫，又時尚可愛！
可調長度嘅簡單Ear Guard
APPLE TREE有限公司就設計咗款簡單嘅護耳，仲將個設計DATA公開免費畀人DOWNLOAD，用3D PRINTER就可以輕易製造。
只要戴平時一般嘅口罩，然後用呢款EAR GUARD箍喺頭後面，將口罩嘅橡筋勾上去就得。
而且可以調較長度，就算長時間戴口罩都唔使訂耳仔痛。
設計DATA可以喺APPLE TREE嘅日本國內總代理嘅品牌「FLASHFORGE JAPAN」官方網站下載到
呢個設計分別可以用PLA膠或者TPU膠3D印製。
睇咗以上幾款日本嘅口罩用飾物，有無畀到啲靈感你呢？或者可以分享大家戴口罩時嘅小心得啊！
Comments