減少外出壓力大？窺探防疫期間日本人喺屋企有咩消閑娛樂＆買咩類型商品~

「新型冠狀病毒」（又稱「武漢肺炎」或「COVID-19」）疫情下，大家原有嘅生活型態都有所改變，開始HOME OFFICE、盡量減少外出……等應對措施，宅在家嘅時間會大幅增加。無得自由出出入入、隨時隨地都要注意保持一定距離、出門口一定要戴口罩……等新生活規範，難免令到好多人覺到「壓力好大」！

日本媒體公司「株式会社Cyber Owl」針對1,000名20歲以上日本人進行問卷調查，從中了解一下減少外出對於日本人生活上嘅影響。亦可以知道防疫期間日本人喺屋企會進行什麼消閒娛樂？亦會分享解壓嘅人氣商品TOP5。

無分男女！超過5成人喺減少外出期間覺得有壓力

根據調查結果顯示，「防疫期間減少外出係咪會令你覺得有壓力？」嘅問題當中，有56%嘅受訪者回答係「覺得有壓力」。

 

壓力來源嘅理由係?

• 「出唔到門口成日都要留喺屋企無法轉換心情，仲好容易出現運動不足嘅傾向。」（30幾歲，男性）
• 「無可以帶小朋友出去放電嘅地方而感到困擾。」（40幾歲，女性）

因產生運動不足和育兒煩惱而覺得壓力大嘅人大有人在。

• 「由於限制外出嘅關係，工作量變少，收入亦相對變少，無法獲到充分收入。」（20幾歲，女性）
• 「因一夜之間減少2個工作而覺得好有壓力。」（20幾歲，男性）

當中亦有唔少人回答有關生計嘅煩惱。

減少外出期間，日本人喺屋企最鍾意嘅消閒娛樂！

「減少外出期間，週末假期喺屋企如何消磨時光？」嘅問題當中，日本女性嘅回答調查結果係，第1名「睇電視、觀賞動畫影音」，第2名「下廚煮嘢食」，第3名「上網」，第4名「使用FB、IG等社群網站」，第5名「打機」。

而日本男性嘅第1名都係「睇電視、觀賞動畫影音」，第2名「上網」，第3名「打機」，第4名「使用FB、IG等社群網站」，第5名「聽音樂」。從調查結果顯示嚟睇，男性同女性受訪者消磨時光嘅方式有輕微差異。

宅在家，生活都可以好充實！人氣商品TOP5

「為咗充實宅在家嘅生活而新買嘅物品」嘅問題當中，日本女性嘅回答調查結果係，第1名「書籍」，第2名「漫畫」，第3名「遊戲軟體」，第4名「健身用品」，第5名「遊戲機」。

而日本男性嘅回答分別係，第1名「書籍」，第2名「漫畫」、第3名「遊戲軟體」，第4名「遊戲機」，第5名「健身用品」。調查結果顯示，日本人男性和女性為咗充實宅在家嘅生活而買嘅物品大致相同，除咗消閒娛樂相關商品之外，與健康相關，解決運動不足問題所購買嘅「健身用品」可以話係一大特徵。

總結

根據調查結果顯示，日本人對於減少外出而覺得有壓力嘅人超過5成，當中女性比例高於男性。而喺屋企最經常進行嘅休閒娛樂方面，男性、女性嘅排行雖然有輕微出入，但第1名雙方都係「睇電視、觀賞動畫影音」。

最後，為咗充實宅在家嘅生活而新買嘅物品，最有人氣係「書籍」，然後係「漫畫」、「遊戲軟體」、「遊戲機」，值得注意嘅係「健身商品」亦係人氣商品之一，大家即使宅在家亦會注重健康管理！

唔知各位FUN! JAPAN讀者們，日本人嘅調查結果又係咪同您自身情況又幾分吻合？若果您有推薦嘅在家消閒娛樂，或者最近買咗任何得意有趣商品，不妨留言或者影張靚相同我哋分享一下!

資料來源