近幾年，大家去日本旅遊時，有無發現便利入面收銀嘅員工，或者喺餐廳嘅伙計，有好多外國人面孔呢？較為傳統同保守嘅日本社會，而家亦漸漸變成要接受需要外國人一齊工作嘅時代。越嚟越多外國人亦係目前日本就業嘅環境中，最明顯嘅一項變化。之前，FUN! JAPAN編輯部同大家介紹過在日本外國人人數同埋介紹大家用乜嘢方法喺日本居留。今次就待FUN! JAPAN編輯部，分析呢啲喺日本「工作」嘅外國人嘅國籍、居留資格、工作行業.......等等
日本近幾年外國籍勞動人口變化
外國籍勞動人口變化
資料來源：日本厚生勞動省
根據日本厚生勞動省公布「外國人雇用情況」嘅資料顯示，截至2019年10月底，喺日本工作嘅外國人約有166萬人，比前一年增加13.6％。連續7年創下新高。近年，日本政府積極招攬高度人才，善用技術實習制度招收外國籍技術實習生，再加上雇用狀況持續穩定，令日本人配偶，同埋持有永久居留權嘅人投身就業行列等，可能都係外國籍勞動人口持續增加嘅原因。
外國籍勞動人口嘅國籍比例
外國籍勞動人口國籍比例
資料來源：日本厚生勞動省
分開國籍嚟睇，喺日本工作嘅中國人約有41.8萬人，佔了整體嘅25.2%。第二多係有約41.1萬人嘅越南，佔了整體24.2%。呢兩個國家加起嚟就有超過80萬人，比例接近50%。另外，菲律賓亦有約18萬人、巴西約13.5萬人。以增長率睇，前三名分別為增加26.7%嘅越南、23.4%嘅印尼，同埋增加12.5%嘅尼泊爾。
日本外國籍勞動人口嘅在留資格
外國籍勞動人口的居留資格比例
資料來源：日本厚生勞動省
睇返呢啲外國籍工作人士嘅長期居留日本資格（簽證種類），本身有永久居留、日本人配偶、永久居留者配偶嘅人，即係「依身分而核發嘅居留資格」定居者，佔咗整體外國籍勞動人口的嘅2.1%，第二高係「技術實習」嘅23.1%、之後係「資格外活動」22.5%、「專門性．技術性領域居留資格」19.8%。其中「技術實習」嘅人數比前一年同期增加24.5%，而「專門性．技術性領域居留資格※」嘅人數亦比前一年同期增加18.9%。
※專門性．技術性領域居留資格包含「教授」、「藝術」、「宗教」、「新聞媒體」、「高度専門職 1 號・2號」、「經營・管理」、「法律・會計業務」、「醫療」、「研究」、「教育」、「技術・人文知識・國際業務」、「企業外派」、「興行(娛樂表演)」、「看護」、「技能」、「特定技能」等。
日本外國籍勞動人口嘅工作行業
外國籍勞動人口的產業類別
資料來源：日本厚生勞動省
最後，我地嚟睇吓喺日本工作嘅外國人係做乜嘢行業吧。最多係「製造業」約48.3萬人，佔全體嘅29.1%。跟住係「批發．零售業」有約21.2萬人，佔全體嘅12.8%，之後係「酒店業．餐飲服務業」12.5%。
日本人敬而遠之，唔想做嘅「3K職場」(即係具有危險性工作、工作環境污糟嘅厭惡工作、體力勞動工作等)，正面臨人手不足嘅狀況，因此有越來越多外國人，為咗比原本國家更高嘅人工而嚟到日本。但係，其中亦有人唔係為高人工，而係因為鍾意日本嘅事物而對日本產生憧憬，希望嚟日本生活。下次，FUN! JAPAN編輯部將同大家分享，會嚟日本長期居住嘅人，係因為乜嘢原因開始學日文、對日本產生興趣嘅實際經驗。
相關文章
更多相關日語資料
FUN! JAPAN網站推出咗「日本語能力試驗對策」嘅練習試題，目前有N1同N2、N3嘅文法、語彙、讀解、聽解…等試題，並且陸續新增中，準備緊日文考試嘅讀者不妨去試吓做練習啦～
Comments