【Work & Life in Japan Vol.1】喺日本社會中存在感越嚟越高嘅外國人

喺全球化嘅年代，越嚟越多人離開自己嘅國家，選擇去到海外擴闊視野，令地球村入面嘅國際交流更加活躍。除咗好多人會揀去英語系國家之外，亦有人會選擇去日本。係咪有啲好奇對於外國人嚟講，日本呢個地方有乜嘢魅力呢？喺乜嘢原因令大家選擇嚟到日本呢？實際喺日本生活同工作嘅情況又係點樣呢？FUN! JAPAN編輯部將從各個型角度分析，逐一剖析「日本」嘅深層。首先，今次等我地先嚟了解一下，目前究竟有幾外國人喺日本啦！

近年，留日外國人數嘅變化

根據日本法務省出入國在留管理廳喺2019年10月公布嘅統計數字顯示，截至2019年6月底，留日外國人數約為283萬人。占日本總人口(約1億2600萬人)中嘅2.24%左右。日本嘅總人口預計會繼續下降，仲有少子高齡化嘅社會問題，勞動人口不足。喺呢個情況下，留日外國人人數已經連續8年增加，外國人喺日本社會中嘅存在感越嚟越高。

留日外國人即係乜嘢人？

留日外國人係指喺日本嘅特別永久居留者、中長期居留者等。而中長期居留者再簡單分類，就包含永久居留、留學、工作、經營、配偶以及技術實習等，當中最多嘅係有約78萬人嘅永久居留，其次係有約37萬人嘅技術實習，同埋34萬人左右嘅留學生。另外，仲有好多年輕人以「打工度假 (Working Holiday)」嘅目的留日，而且仲每年都有增多，不過「打工度假」，就有限定只有締結協定嘅國家‧地區可以申請，係屬於中長期居留中嘅「特定活動」簽證。(截至2019年6月底的資料)

留日外國人嘅國籍・地區比例

以國籍‧地區嚟睇，中國約79萬人最多，佔整體嘅27.8%；其次為韓國約45萬人，越南約37萬人。當中，上升比率最高嘅國家係越南，達12.4%。台灣同印尼人數差不多，各有約6萬人、而泰國則有約5萬人。(截至2019年6月底資料)

留日外國人住邊度？

居住日本嘅外國人，大部分集中喺大城市。根據統計顯示，最多外國人住喺東京都，佔整體約20.6%，其次為愛知縣嘅9.6%、大阪府8.7%。如果以關東地區嚟睇，東京都、神奈川縣、琦玉縣、千葉縣再加上茨城縣等，所佔比例差唔多有一半。(截至2019年6月底的資料)

睇到呢度，大家係咪覺得喺日本嘅外國人比想像中多呢？會唔會想進一步了解大家留喺日本嘅目的？下一篇，我地就會為大家介紹，長住日本嘅外國人，係用啲乜嘢方法留喺日本，敬請期待！

更多相關日語資料

FUN! JAPAN網站推出咗「日本語能力試驗對策」嘅練習試題，目前有N1同N2、N3嘅文法、語彙、讀解、聽解…等試題，並且陸續新增中，準備緊日文考試嘅讀者不妨去試吓做練習啦～