你有無曾經去過一次旅行，目的地令你意猶未盡直頭想長住唔想離開？群馬縣知名嘅溫泉鄉草津，絕對係想要一訪再訪嘅地方。唔單止可以接觸到日本文化、仲可以體驗日式生活滋味。
草津溫泉：群馬縣知名溫泉鄉
群馬縣嘅草津已連續多年獲選為日本最佳溫泉鄉之一。草津町一帶所湧出嘅溫泉水，據聞可以有效治療糖尿病、燒傷、疲勞以及肌肉僵硬等等，好處非常多。
草津溫泉嘅特色
浴衣體驗
草津溫泉鄉大概一晚時間就可以全部逛完。由於草津環境受到嚴格嘅法規保護，保留小鎮原始風貌，每棟建築物都具有獨自嘅特色和魅力。
如果換上傳統日式浴衣，自己將會成為草津美麗風景嘅一部分。喺草津，有好多遊客都會著上浴衣，當地酒店提供浴衣租借服務並且鼓勵大家換上。喺草津旅遊期間，穿著浴衣嘅日本人和外國人遊客數量非常多。因此唔洗怕羞，嘗試換上浴衣體驗一番吧。
草津足湯咖啡屋
草津有非常多嘅溫泉，遊客們通常會一次過體驗兩個以上嘅溫泉。但如果唔想去太多地方，可以選擇於足湯咖啡屋停留。（可能會覺得有少少奇怪，你真係可以於浸腳時一邊享用茶或咖啡）。
草津夜間夢幻點燈
白天遊覽溫泉鄉，日落後可以享受全新體驗，傳統日式建築與白煙裊裊「湯田」，夜間點燈後營造出令人陶醉又夢幻嘅美景！
草津溫泉有趣設施
與草津溫泉鄉嘅中心部相反，周邊地區有好多融合現代文化和時尚、有趣嘅設施。如果有機會一定要去欣賞啊！
草津嘅象徵「湯田」
「湯田」直譯係「溫泉水田」嘅意思，湯田中嘅木箱是用嚟沉澱泉水中嘅礦物質。湯田對於草津溫泉嚟講係不可或缺。小鎮上嘅主要溫泉街道大致上係圍繞著湯田。
傳統「揉湯秀」
「揉湯」係用粗厚嘅木板去翻攪溫泉水令其溫度降低。呢項係一個開放囬大眾參觀嘅傳統活動。強烈推薦去觀賞「揉湯SHOW」，唔單止可以親眼欣賞到「揉湯」嘅器具及設備，仲可以自己嘗試體驗。
以上只係草津魅力嘅其中一部分。草津距離東京唔算太遠，如果有機會，真心推薦你一定要安排一趟草津之旅啊！
景點資訊
- 名稱：草津溫泉
- 地址：群馬縣吾妻郡草津町草津28
- 交通方式：
- 上野站→[JR特急草津號]約150分鐘→長野原草津口→ [JR巴士]約30分鐘→草津溫泉
- 東京站→ [新幹線]約60分鐘→輕井澤站→[巴士]約80分鐘→草津溫泉
- 新宿高速巴士總站→[高速巴士]約250分鐘→草津溫泉
Comments