去關西機場超方便！關西機場華盛頓酒店嘅魅力！

喺日本關西地區有好多城市，如大阪、京都、奈良、神戶，都深受旅客歡迎。而關西國際機場就係關西地區主要嘅國際機場，換言之，就係呢個地區最多外國遊客使用嘅機場。今次，我地就嚟睇吓呢個去關西機場非常方便嘅關西機場華盛頓酒店啦！

關西機場華盛頓酒店來往機場只需10分鐘！

總之就係離機場好近！關西機場華盛頓酒店有免費接駁巴士可往來酒店至機場。只需要喺國際航運大樓嘅南口S12巴士站，就可以搭到接駁巴士，上車10分鐘即到酒店，就算搭深夜航班，都可以好快好好休息。如果搭晨早嘅航班，都仲有時間慢慢食個早餐，先去機場都唔遲。(※詳細接駁巴士班次時間表，請到酒店官方網站確認)

另外，由呢間酒店行去臨空城站也只需3分鐘，喺臨空城除咗有著名嘅OUTLET外，仲可以搭到JR、南海線等多途線路嘅列車去大阪市中心，交通方便。

酒店提供自助早餐，有日式西式嘅食物，非常豐富，可以根據自己喜好隨便拎。

仲有廚師即時煎班戟，仲有即烤麵包、和歌山縣勝浦嘅「味醂秋刀魚乾」以及關西有名嘅「肉湯」等等，非常齊全，食一個稍微奢侈嘅早餐，展開精采充實嘅一日！

※由於目前情況應變，暫停自助早餐供應，而改為更為可選擇「西式早晨套餐」或「和風早晨套餐」。請到酒店官方網站確認最新消息。

酒店嘅2樓有24小時營業嘅便利店。隨時隨地都可以買到旅遊用品或者手信，想半夜買嘢食都完全無問題。

另外，客房整齊乾淨，喺床頭櫃設置咗電線同USB插頭，對於成日隨身攜帶手機、相機嘅人嚟講，充電就非常方便。

對於旅客嚟講好方使嘅關西機場華盛頓酒店，你有無興趣下次去大阪時住吓呢？

※關西機場華盛頓酒店於4月19日至5月31日暫時休業。請於官方網站確認最新消息。