如果有間咖啡廳，由點餐、接待與打掃都係由機械人代勞嘅話，會變成咩情況？位置於東京‧澀谷「東急PLAZA澀谷」5樓「Pepper PARLOR」，就係一間由機械人接待、點餐、仲會檯邊陪玩嘅科技型咖啡廳。來跟著FUN! JAPAN編輯部一齊去睇睇這間咖啡廳有咩特別之處啦~
新世代咖啡廳「Pepper PARLOR」
Pepper係SoftBank Robotics推出嘅機械人，屬於會表達感情與可以溝通嘅機械人。「Pepper PARLOR」概念在於讓人類與機械人共同工作，服務顧客。店內嘅機械人，除咗有「Pepper」駐店之外，仲有識跳舞嘅人型機械人「NAO」以及打掃型機械人「Whiz」。當中，「Whiz」會喺開店前出現，所以基本上喺營業時間好難見到本尊工作緊個模樣。
點餐櫃檯5位Pepper 講三種語言迎客人
都仲未行入咖啡廳，就可以望到5位Pepper喺櫃檯一字排開。行埋去嘅時候，它們會對客人打招呼並接受點餐。「Pepper PARLOR」用平板裝置點餐後就可以入座。點餐櫃檯嘅5位Pepper，識講中文、英文與日文3種語言，點餐螢幕圖文並茂，唔洗擔心會點錯。不過，Pepper點餐淨係接受信用卡付款，如果想畀現金嘅話，就要去現金櫃台請真人為你服務啦~
如果唔知道點咩好，可以等Pepper介紹店舖嘅排行榜，或者等Pepper推薦，Pepper會根據客人嘅性別、面部表情等，推薦啱你嘅餐點。
Pepper檯邊陪傾計又陪玩 NAO每個鐘都會嚟一段「舞技SHOW」
店內採用開放式設計，內部裝潢融合自然元素，營造出舒適嘅用餐空間。座位分成木檯區及梳化區，如果想同Pepper傾計玩耍嘅話，記得一定要揀有Pepper嘅位坐啦。
檯邊Pepper除咗會與客人對話之外，仲會同客人玩遊戲，甚至幫你占卜，令你等上餐時,餐桌前都唔會覺得無聊。如果同朋友傾計傾得興起嘅時侯，Pepper仲會加入對話，似乎係要提醒你要記得同佢互動~檯邊Pepper目前只會講日文，但聽聞將來都會計畫讓Pepper開口講中文與英文。
Скачать видео
店內嘅另一個亮點就係，會於店內中間跳舞嘅人型機械人「NAO」，精通各種舞蹈，時間一到就會隨著音樂翩翩起舞，無論係芭蕾舞定disco都難唔到「NAO」。
唔單只係有話題性 餐點都相當講究
「Pepper PARLOR」店內提供嘅餐點設計概念為「環遊世界嘅美食與窩夫」，帶你用食去環遊世界。除此之外，仲有午餐與晚餐可以選擇，主菜有魚、有肉、有輕食3種選擇，搭配半份窩夫，仲有跟飲品。
店內提供嘅窩夫由麵團到醬料都係手工製作，除咗經典款之外，仲有提供4種唔同種類嘅窩夫餅皮畀顧客選擇，即使係全素食者都可以安心享用。當中，推薦嘅係日本「烤和牛佐酥脆洋蔥」口味以及代表泰國嘅「鮮蝦綠咖哩」口味，顛覆你對窩夫嘅想像。
當然，甜甜嘅窩夫係此處嘅招牌之一，「意式士多啤梨牛奶雪榚」上頭擺放日本國產嘅新鮮士多啤梨，配上獨家嘅楓糖奶油，風味堪稱一絕。另外，呢度嘅咖啡機「Poursteady」係由NASA嘅機械人工程師與機械人專家齊齊開發出嘅「咖啡機械人」。店內使用嘅咖啡豆亦相當講究，原創「Pepper PARLOR Premium Blend」所使用嘅咖啡豆，更係由主打「讓所有咖啡變得美味」嘅MI CAFETO公司精心挑選。當咖啡機械人用高品質嘅咖啡豆沖泡出來嘅咖啡會係點樣嘅風味？就等你嚟親身細味品嚐。
店鋪資訊
- 店名：Pepper PARLOR
- 地址：東京都澀谷區道玄坂1-2-3 東急PLAZA澀谷5F
- 電話：03-5422-3988
- 營業時間：10：00～21：00（L.O.20:30）
- 公休日：東急PLAZA澀谷休館日
- 座位數：162
- 交通方式：JR 山手線、埼京線、湘南新宿線「澀谷」站南驗票口西口步行約1分鐘/東急東横線、田園都市線、京王井之頭線、東京METRO半藏門線、銀座線、副都心線「澀谷」站徒步約3分鐘
Comments