精選4月1日愚人節嘅「創意商品」

4月1日愚人節，日本好多公司每年呢個時候都會發揮無限創意，「推出」層出不窮嘅「新商品」。喺期待今年有乜嘢新話題嘅同時，不如一齊回顧吓過去嘅優秀作品。

日本KFC推出「全雞骨桶」

品牌：KFC (肯德基家鄉雞)

新產品：只有骨頭肯德基

內容(無責任翻譯)：令人期待嘅新商品#只有骨頭肯德基！為回應大家嘅意見，推出全新嘅雞骨！使用咗壓力煲，將炸雞全部細心咁拆骨！可以用嚟整火鍋、拉麵湯底等～用途廣泛～

品牌：獺祭 (Dassai)

新產品：貓祭

內容(無責任翻譯)：由於有客戶反映我地嘅商品名又難讀又難寫，所以獺祭將會改名為「貓祭(Nyassai)」。

品牌：BMW JAPAN

新產品：New BMW Small Room Cleaner (吸塵機械人)

內容(無責任翻譯)：NEW BMW SMART ROOM CLEANER 新登場。採用最先進技術，無論任何情況吓垃圾都無處可逃。

品牌：Adobe JP

新產品：飲用PhotoShop

內容(無責任翻譯)：Adobe 發表飲用PhotoShop，世界首創嘅PS蛋白質，令大家即刻擁有(PS嘅)理想身型！而非飲用嘅PhotoShop則於動畫最後Click~

品牌：劇團四季

新產品：Musical 《An American in "Tsuppari"》

內容(無責任解說)：將經典音樂劇《An American in Paris》，嘅Paris 食字變成"Tsuppari(つっぱり)"，Tsuppari係相樸嘅招式~所以連經典海報入面嘅男主角都變咗做相樸手~

品牌：迪士尼

內容(無責任翻譯)：Avengers嘅新成員將會有米奇(Mickey)!? 有目擊情報指米奇正在為咗電影拍攝而努力training中~而據傳聞指，米奇接拍嘅電影，竟然係《Avengers》...?

(小編按：其實都係迪士尼公司出品... 全部都係一家人~ 米奇客串想信好有睇頭(踢飛～）

睇完以往嘅有趣梗，真係唔可以唔佩服各公司嘅創意，大家又有無邊個梗最印象深刻？唔知今年會有咩新創意呢？非常期待～