品嘗《戀愛可以持續到天長地久》中出現嘅白朱古力蘋果糖

大家記唔記得喺《戀愛可以持續到天長地久》(日文：恋はつづくよどこまでも)第七集入面，女主角食嘅白朱古力蘋果呢？其實呢個白朱古力蘋果糖，喺人氣蘋果糖專門店『Candy apple』嘅美食。喺代官山同原宿都係店舖。而家仲做緊限定網上發售添！等我地買返嚟一嚐做女主角嘅味道♪

原隻蘋果糖用料做法都特別講究

由喺意大利修行返嚟嘅大廚監修，塗上咗完美嘅脆口糖嘅蘋果糖。同一般嘅日本祭典買到嘅蘋果糖截然不同，唔係甜黏黏又易溶；而係以嚴控嘅溫度加上糖漿外層，所以口感正好多。

由蘋果、外糖、至味道，都非常講究。蘋果選用咗每日由青森直送嘅清爽蘋果。加上精密計算嘅外層糖漿，保證入口先溶，真係又好食又特別嘅甜品。

除咗有喺電視劇《戀愛可以持續到天長地久》入面出現嘅「白朱古力蘋果糖」之外，仲有好多口味可以選擇。

〇蘋果糖之王道 Premium Plain 600円（未計稅）每朝由青森縣直送合季節嘅蘋果，可以食到蘋果本身嘅甜美、果汁同口感。

〇玉桂Sugar 蘋果糖600円（未計稅）使用咗高質富有果味嘅肉桂粉，非常適合容易手凍腳凍，或者有皮膚煩惱嘅女生啊。

〇Pure Cocoa 蘋果糖600円（未計稅）使用咗由有150歷史嘅荷蘭老店DOTCH COCOA社製嘅正宗嘅可可粉，非常有深度嘅口味，而且完全無其他香料同添加。

〇宇治抹茶蘋果糖700円（未計稅）採用非常講究嘅極上宇治抹茶，係口中散發抹茶嘅甘味，加上甜甜嘅蘋果糖，真係好夾。

〇丹波黒豆粉蘋果糖700円（未計稅）100%使用兵庫縣出產嘅丹波黒大豆，加上耐心培煎，香味濃郁。可以加上黑蜜一齊食。

〇White Chocolate蘋果糖700円（未計稅）用咗有雪尼拿香味嘅白朱古力，加上香滑牛奶感十足嘅乳酪混合而成。

蘋果糖專門店Café『Candy apple』嘅第二間分店，於3月6日喺東京・原宿站竹下通出口步行1分鐘嘅地點開幕。店內裝修仲好有渡假格調，唔似一般嘅Eat In Space。不過主要都係做外賣，畀大家一邊行街一邊食。

而『Candy apple』嘅總店就位於出名高尚有格調嘅代官山。