去到西日本最大城市—大阪，想享受美食、盡情購物，要做嘅事多不勝數。但係，選擇一間好嘅住宿都非常重要。如果要住酒店，當然揀間又型又舒適，隨時都可以影到靚相打卡嘅酒店比較扺！唔知大家覺得呢間點樣呢？「The Royal Park Canvas 大阪北濱 (The皇家花園Canvas 大阪北濱)」靠近大阪市中心，又靚又有格調，住喺入面非常舒適！快啲同FUN! JAPAN團隊一齊去Check in 入住！
「The Royal Park Canvas 大阪北濱」緊接北濱站 地理位置佳
揀酒店其中一個重點就係地理交通。「The Royal Park Canvas 大阪北濱」一出北濱站3號出口就到，非常交通方便。由梅田站搭地鐵去北濱站只需10分鐘左右，要去道頓堀一帶搭電車亦都只需大概10分鐘，無論是前往哪一個繁華熱鬧的地區都相當近，為其一大特色。
開放感十足嘅Lounge 魅力滿載
呢間酒店嘅概念係「MAKE IT HAPPEN齊集於此創新機」。所以，喺酒店２樓前台旁邊，就設置咗一個寛敞嘅Lounge，俾入住客人自由使用。
可以喺「心齋橋煎焙所」精心烘焙嘅咖啡豆種類入面，揀自己鍾意嘅口味沖咖啡飲。入住嘅客人享用居然係完全免費！。
呢個Lounge提供一個畀客人同當地居民交流嘅空間，仲會定期舉辦活動。另外，除咗舉辦活動外，當地居民亦會利用呢個地方工作或者飲杯咖啡休息，係一個可以同結識當地人朋友嘅好機會啊！
入住型格設計房間 悠閒放鬆
客房主要喺2樓至12樓，各樓層以顏色主題區分，有綠色、黃色、灰色等。獅子靠枕、掛喺牆壁上嘅工藝品都相當有格調、時尚。不單只追求型，亦都非常舒服，全客房都採用咗席夢思床褥，瞓一覺將累積嘅疲勞一掃而空。
淋浴間貼滿一整面色彩繽紛嘅馬賽克磚，淋浴設備完善。可以喺度享受舒適愉快嘅沐浴時間，煥然一新清爽。
房間備品由房客親自挑選
考量到環保，呢間酒店係由住客自己揀房間要用嘅備品。由基本茶包、牙刷，至護膚品、面膜等，舒緩旅途疲勞嘅用品都整齊咁排列出嚟。
早餐係自助餐形式
早餐係可以充分吸收營養補充精力嘅自助餐。有用料非常豐富嘅熱湯、沙律等，仲有日本用烤麵包神器「Balmuda」烤出嚟嘅多士，外脆內軟，喺啱啱烤好嘅多士上舖上沙律，真係非常好食！
旅途中可以住到咁正嘅酒店，相信會令旅程樂趣增倍！下次去大阪旅行，考慮住宿呢間「The Royal Park Canvas 大阪北濱」吧。
酒店資訊
- 酒店名稱：The Royal Park Canvas 大阪北濱 (THE皇家花園 大阪北濱)
- 地址：大阪府大阪市中央區北濱1-9-8
- 交通方式：
- Osaka Metro堺筋線、京阪電車「北濱」站3號出口旁
- 從Osaka Metro御堂筋線「淀屋橋」站北剪票口徒步約8分鐘
- 客房數：238間
- 其他設施：便利店（1F）、健身房（2F）、投幣洗衣機（3F）、出借備品區（4F）、熨衣空間（各樓層）
Comments