長野縣山之內町入面，有有著名嘅湯田中溫泉、可以盡情滑雪嘅志賀高原等多個受遊客歡迎嘅熱門觀光點。今次，FUN! JAPAN團隊同會員一齊入住志賀高原王子大飯店(Prince Hotel Shiga Kogen)西館，盡情享受日本嘅冬天！
志賀高原王子大飯店係知名王子大飯店集團旗下酒店之一，分為東館、南館、西館三棟，共666間客房，喺志賀高原地區也係數一數二嘅大型飯店。
滑雪場近在眼前！
志賀高原王子大飯店同集團嘅「燒額山滑雪場」，雪質柔軟又乾爽，相當好滑。另外滑雪雪道穿梭喺美麗嘅針葉林之間，亦係其獨特魅力之一。由初心者路線至奧運路線都有，總共有15個唔同嘅雪道，種類豐富。另外，喺西館前面，仲有Family Snow Park，而各館都有滑雪學校；無論你係滑雪、滑雪板嘅愛好者，定係一家大細想嚟玩，都可以滿足你嘅需要，開心而歸。
滑雪場離酒店1分鐘都唔使，呢個極近距離係其一大賣點。館內仲齊備滑雪裝備出租設施同埋儲物櫃，就算兩手空空嚟到，都可以輕鬆享受滑雪之樂。
令人疲勞盡消嘅美食同大浴場
頭先講過酒店離滑雪場好近，所以滑完一整日雪，都即刻可以返酒店休息。西館仲有大浴場，可以一邊欣賞落雪嘅美景，一邊慢慢浸浴舒緩疲勞。
而喺西館2階嘅餐廳Restaurant Westside係一間休閒餐廳，設有落地玻璃非常有開放感。提供自助餐形式嘅早餐同晚餐。早晚飯嘅選擇都非常豐富。尤其係晚飯，仲可以喺4款特別主食中揀一款。可以隨便任食鍾意嘅嘢食，滑完成日雪都即刻回復體力！
今次嘅主食就揀咗牛扒，廚師即點即煎！而自助餐嘅選擇，包括咗前菜、主食、副食、甜品等，非常豐富。
而一邊睇雪景一邊食嘅早餐，就係混合日式同西式嘅自助餐，由令人滿足嘅早餐，開始充實嘅一日！
往來觀光景點亦非常方便
如果購買咗「志賀高原 全山共通吊車券」，就可以志賀高原王子酒店為據點，玩哂志賀高原總共18個滑雪場。唔單止玩雪方便，去其他旅遊景點亦同樣方便。去有名嘅溫泉鄉湯田中，揸車只需大概30分鐘；而去可以見到可愛雪猴嘅地獄谷野猿公苑，亦都係開車約30分鐘(停場場落車去需徒步至公苑入口，步行約40分鐘)
【関連記事】
以志賀高原王子大飯店做據點，想享情滑雪又得，想家庭旅行都得，絕對可以滿足而歸！
酒店資訊
- 酒店名：志賀高原王子大飯店 (Prince Hotel Shiga Kogen)
- 地址：〒381-0497長野縣下高井郡山之内町志賀高原燒額山
- 交通：長野站東口東口乘搭往志賀高原 急行巴士，車程約1時間40分
- WIFI：免費
- 信用卡：接受VISA、JCB、American Express、Diner's Club、Master Card等
Comments