位處本州最西端嘅山口縣坐擁大鍾乳洞「秋芳洞」、名橋「錦帶橋」、散步好去處「荻城城下町」等多處觀光景點。喺呢篇文章內，FUN! JAPAN唔單只會公佈各位讀者最想知道嘅頭3位必去熱門景點，仲會連同基本資訊及各種有趣小知識作介紹𠻹！喺文篇最尾嘅部分，仲會介紹埋山口縣內交通必備嘅「西遊紀行」瀨戶內地區鐵路周遊券㗎！
【第３位】與日本三名橋「錦帯橋」五連拱形留倩影
跨越錦川兩端嘅錦帶橋唔單只係「日本三名橋」之一，仲係全球唯一一座5連拱形嘅木橋！要影出靚相，遊客除咗可以喺橋上大影特影之外，仲可以走到河邊以仰望角度拍攝。例如由木橋東邊嘅河灘上，您即可以連同山頂上嘅岩國城一齊攝入鏡𠻹！時間許可的話，不妨考慮乘坐觀光船、從水上眺望錦帶橋風貌。觀光船種類隨季節變更，其中包括櫻花季或新綠季節嘅「櫻舟（2020年3月20日 ～5月31日）*」、上演一幕幕鵜鶘捕漁漁法「鵜飼」嘅「鵜飼遊覽（2020年6月２日～9月10日）」，紅葉季則有提供當地日本酒及岩田壽司等鄉土料理嘅「地酒舟（2020年9月11日～11月30日）」等。
*航行日：六、日、公眾假期（賞櫻期間每日運航）
必check名物
古人於建築錦帶橋時，為免橋樑被洪水沖走，因此特別選用獨有嘅築橋技術及嵌木工藝。如果您想親眼讚嘆先人留低嘅工匠技術，咁就一定要嚟到木橋嘅下方，細心欣賞錯綜複雜嘅直線以及排序有方嘅嵌木技巧。
追加玩法
錦帶橋亦聯同鄰近嘅吉香公園一齊獲選為「日本賞櫻名所100選」。橋樑周邊種有染井吉野櫻及八重櫻等約3,000棵櫻花樹，每年3月下旬型4月上旬期間為最佳賞櫻時期；而秋天紅葉季時，由錦帶橋徒步10分鐘即達嘅紅葉谷公園更係縣內一大賞楓勝地，漫天紅葉絕景美不勝收！
錦帯橋
- 交通：JR岩國站轉乘往｢錦帶橋｣方向之岩國巴士約25分鐘，於「錦帶橋」巴士站下車即達
- ※瀨戶內地區鐵路周遊券不適用於岩國巴士
- ※木橋24小時開放，惟晚上10時後橋樑將會關燈，收費處無員工駐守時敬請將過橋費投進夜間收費錢箱。
【第２位】「大海×橋樑」黃金靚景組合，您值得擁有！「角島大橋」
角島大橋位處於本洲西端日本海山口縣內。作為日本國內最長嘅免費一般道路，全長1780米嘅大橋一直往角島延伸，而佢最大嘅特點，就絕對係由橋樑與大海組成嘅絕色靚景。蔚藍大海、純白大橋，時而配上黃昏時金黃色嘅醉人時分，因此大橋亦係唔少電影、電視劇嘅最景常客，啱晒各位自遊行遊客一嚐自駕爽快感覺！
必check名物
隨著日照變化，角島大橋周邊大海會呈現出碧綠、蔚藍等多種顏色變化。一於抓緊心水顏色出現嘅時機，由高空俯瞰一直線延伸嘅大橋啦！
追加玩法
如果只係嚟欣賞角島大橋嘅白晝景色，亦未免太浪費！每逢日落後，離島架橋都會被點點燈光照亮，向觀光客演繹有別於白晝嘅風采。無論係日落、夜景，定係拍拖自駕聖地，小編保證您都一定可以喺到搵到畢生難忘嘅回憶！
角島大橋
- 交通：JR特牛站轉乘往「角島」方向之BLUE LINE交通巴士約20分鐘，於「HOTEL西長門RESORT入口」巴士站下車後徒步約5分鐘
- ※瀨戶內地區鐵路周遊券不適用於BLUE LINE交通巴士
【第１位】CNN星級認證！參拜千本鳥居「元乃隅神社」
「元乃隅神社」獲美國CNN曾於2015年3月推選為「Japan’s 31 most beautiful places」，實力可謂絕對不客忽視！123座赤紅色鳥居從1987年起獲各界逐一捐贈，最終花費10年歲月完成超過100米嘅「千本鳥居」奇景，絕對係打卡呃like必到之地！
必check名物
神社另一重頭戲，就係出現喺鳥居前方懸崖峭壁嘅自然景象「龍宮潮吹」。當海浪撲向岸邊上長約1米、闊於20厘米嘅洞穴時，水花就如神龍昇天般噴向洞穴上方，據講水花有時更會高達30米𠻹！
追加玩法
一般神社嘅「賽錢箱」（香油錢箱）都設於神殿旁邊，但係元乃隅神社嘅賽錢箱就放於高約6米嘅大鳥居上！傳說只要成功香油錢投入錢箱內，善信嘅願望就會成真。喺到同大家分享一個小貼士，就係稍為有少少重量嘅硬幣會比較容易擊中目標。大家有機會的話不妨試試吖！
元乃隅神社
- 交通：JR長門古市站開車約20分鐘
山口之旅新手酒店住宿推薦
準備去錦帶橋周邊觀光？「岩國國際觀光酒店」係您最佳選擇！
從錦帶橋徒步約15分鐘即達，岩國國際觀光酒店係唯一一間能夠俯瞰木橋全景嘅最佳位置。眺望岩國城嘅櫓木風呂「夕霧之湯」與眺望錦帶橋嘅岩石風呂「朝霧之湯」都各有捧場客。
岩國國際觀光酒店
- 交通：JR岩國站轉乘往「錦帶橋」方向之岩田巴士約25分鐘，於「錦帶橋」巴士站下車即達
- ※瀨戶內地區鐵路周遊券不適用於岩國巴士
山口縣旅行必備良伴：「西遊紀行」瀨戶內地區鐵路周遊券
山口縣有咁多值得去嘅觀光景點，係咪令到各位選擇困難症發作呢？想輕鬆穿梭各地，買定瀨戶內地區鐵路周遊券傍身就實無死！一pass在手，即包含岡山縣、廣島縣、山口縣及其他瀨戶內地區嘅新幹線、鐵路、巴士（※部分路線除外）5日無限次任搭放題，實屬第一次到瀨戶內地區嘅人必買！有關鐵路pass嘅精明用法，我哋將會喺另一篇文章內再作詳細介紹，記住多多支持喇～
瀨戶內地區鐵路周遊券詳情如下：
https://www.westjr.co.jp/global/tc/ticket/setouchi/
延伸閱讀：
岡山縣：
- 【新手適用】最強新手岡山自由行攻略！5分鐘帶你睇盡熱門觀光景點BEST 3
- 【老手適用】想發掘更多岡山「隱世」秘點？5分鐘帶你睇盡最新玩法BEST 3
- 岡山「好西」、您食過幾多樣？FUN! JAPAN私心推薦岡山縣必試美食BEST 3！
廣島縣：
- 【新手適用】最強新手廣島自由行攻略！5分鐘帶你睇盡熱門觀光景點BEST 3
- 【老手適用】想發掘更多廣島「隱世」秘點？5分鐘帶你睇盡最新玩法BEST 3
- 廣島「好西」、您食過幾多樣？FUN! JAPAN私心推薦岡山縣必試美食BEST 3！
山口縣：
岡山縣×廣島縣：
sponsored by JR西日本
Comments