睇咗咁多有關岡山縣、廣島縣、山口縣嘅介紹，係時候更上一層樓嚟個跨縣之旅喇！
瀨戶內地區鐵路周遊券玩法層出不窮，今次就先為大家介紹岡山縣同廣島縣嘅精選行程。無論係前幾篇文章裡面無介紹過嘅景點、定係「西遊紀行」瀨戶內地區鐵路周遊券嘅慳錢實戰，您都一一可以喺呢篇文章內搵得到！
【Day 1 大阪府→岡山縣】
【大阪府 約11:30】乘搭Hello Kitty新幹線出發！
嚟到瀨戶內旅行，其中一樣指定動作，就係乘搭全球唯一一架Hello Kitty新幹線喇！
塗滿少女粉紅色嘅車箱內，上至座席、1號車卡展板介紹／官方精品店，下至充滿Hello Kitty插畫圖案，新幹線內可謂粉絲打卡嘅夢幻天堂！旅程前先遇上Hello Kitty同愉快朋友們的話，仲唔係未出發先興奮？
新幹線連接新大阪站、岡山站、新倉敷站、三原站及廣島站等主要觀光地車站，想要捕捉Hello Kitty嘅朋友記得出發前先查好日程及時間班次，趁著旅程搭多幾次喇！
◎瀨戶內地區鐵路周遊券至慳情報：
一pass在手，即可無限次任搭指定新幹線！搭得越多、慳得越多！
Hello Kitty Shinkansen
- ※有關運行日及班次等情詳情，請參閱https://www.jr-hellokittyshinkansen.jp/tc/
【岡山縣15:30】 飽覽橄欖樹群絕景
岡山縣牛窗盛產橄欖，您除咗可以喺小鎮內搵到各式各樣嘅橄欖產品，仲可以親眼目睹有「日本愛琴海」之稱嘅海天一色靚景。例如牛窗橄欖園山頂上嘅「橄欖商店」內就既出售橄欖商品，亦附設café以及展望台，方便遊客一邊欣賞靚景一邊稍作休息。
橄欖園面積闊約10公頃，睇頭就點會得咁少！事實上，橄欖園亦被選為「戀人聖地」之一，傳聞情侶只要到園內敲響「幸福之鐘」3次，願望就會成真。想更親近大自然的話，仲可以入住園內嘅住宿設施，喺森林中過一晚𠻹。
◎瀨戶內地區鐵路周遊券至慳情報：
岡山站⇔邑久站JR線車費（單程330日圓）→車費全免！
牛窗橄欖園
- 交通：JR邑久站轉乘往「牛窗」方向之東備巴士約20分鐘，於「橄欖園入口」巴士站下車後徒步約30分鐘
- ※瀨戶內地區鐵路周遊券不適用東備巴士
【Day 2 岡山縣→廣島縣】
【岡山縣07:30】睇到睇唔到，完全靠彩數！雲海「天空之城」
就算係放假都值得早睡早起！？只要係親身去過岡山縣備中松山城嘅人，相信都會認同小編呢句說話。
由JR備中高梁站揸車約15分鐘，您就會嚟到海拔約430米高嘅雲海展望台。雲海於每年9月下旬至4月上旬嘅清晨時分（早上8點前）相對較容易發生，古城屆時就有如隱身於煙霧彌漫當中，而展望台就係欣賞雲海嘅最佳位置。能否遇上雲海全講彩數同當日天氣情況，絕對推薦大家提早睡身、去「天空之城」朝聖！
備中松山城本身亦係國家指定重要文化財產及現存12天守之一嘅古城。您亦可以考慮由車站搭觀光的士到8合目（※須預約），適合想要近距離參觀古城嘅遊客。
備中松山城
- 交通：JR備中高梁站轉乘的士約15分鐘
【岡山縣（潮退時）】海中神秘砂道
睇完山景，下一站又點少得海景！黑島維納斯之路嘅最大特徵，就係佢只會於退潮時出現。潮退時，連接3個島嶼、全長800米嘅弓形砂道就會突然出現於牛窗地區嘅大海上。唔只得個「睇字」，遊客更可以實際穿梭於砂道上，自由往來3個島嶼㗎。
路如其名，被冠上愛神維納斯鼎鼎大名嘅砂道亦係一大戀人聖地。據講只係誠心誠意摸摸中之小島內嘅「女神之心」心型石頭，情侶願望就會成真！好運的話，您仲有機會喺到遇上海星或章魚𠻹。記得事先查清楚退潮時間，捉緊行走於夢幻砂道之上嘅機會喇。
黑島維納斯之路
- 交通：JR邑久站轉乘往「牛窗」方向之東備巴士約20分鐘，於「本蓮寺下」下車後從「The Hotel Limani & Spa」再轉乘小艇約5分鐘（另外收費，須事先預約）
【廣島縣15:00】於禪寺內體驗住宿型坐禪
有酒店唔住，嚟到廣島縣反而住禪寺！？
神勝寺係一間建於1965年、隸屬臨濟宗建仁寺派嘅寺院。於國際禪道場內舉行嘅禪道修行無分國籍、宗教，只要事先預約好，寺院皆一律歡迎所有人士參加為期兩日嘅體驗。由第一日下晝3點至翌日9點半，參加者將有機會參加一連串禪修日程，當中包括入山、坐禪、誦經、打掃等，為有興趣人士打造理解日本傳統宗教嘅簡單途徑。
住宿型體驗以外，寺院範圍內亦有即日來回禪修體驗及傳統七堂伽藍建築等洗滌心靈景點。放眼遠望靜謐森林、洗淨身心雜念污垢，可謂人生一大享受。
臨走前再去埋全長46米嘅美利館《洸庭》，保證您一定會對其藝術外觀大表驚嘆！
◎瀨戶內地區鐵路周遊券至慳情報：
邑久站⇔福山站JR線、新幹線車費（單程3100日圓）→車費全免！
神勝寺
- 交通：JR福山站轉乘往「彌勒之鄉」鞆鐵巴士約30分鐘，於「天神山」巴士站下車後徒步約15分鐘
- ※住宿型禪修體驗僅限毎月第1個星期一、第2個星期五、、第3個星期一及第4個星期五舉行
【Day 3 廣島縣】
【廣島縣09:00】乘風破浪單車遊
尾道係多齣電影電視劇嘅著名取景地，但您又知唔知呢到原來亦係單車遊嘅聖地呢？
連接廣島縣尾道市與愛媛縣今治市、全長約60公里嘅尾督有著「單車遊聖地」嘅別稱。之所以受一眾踩單車發燒友愛戴，全因遊客從JR尾道站出發，即可搭乘渡輪「Cycleship LazuLi」，連人帶車直到瀨戶田港享受單車樂。而為咗一眾遊客方便，島波海道嘅馬路左側都特別劃分出單車人士專用「Blue Line」，即使係初心者都大可放心。尾道港租好單車就可以隨心出發，自組行程想點玩都得！
◎瀨戶內地區鐵路周遊券至慳情報：
一pass在手，即可搭乘往返尾道站與今治站嘅高速巴士「Shimanami Cycle Express」。巴士內可放置單車，車費為單程2250日圓。
瀨戶田周遊券
Cycleship LazuLi
- 交通：JR尾道站徒步約3分鐘
- ※※航行日詳情請參閱官方網站
【廣島縣12:00】一站式朝聖日本建築美學
島波海道之旅必睇景點多不勝數！嚟到渡輪之旅嘅終點生口島（瀨戶田港），您或許會發覺島上美術館及雕刻處處，當中又以1936年建成嘅佛教寺院耕三寺屬必睇頭號景點！
寺院現時作為耕三寺博物館公開予民眾參觀。館內放有以奈良縣法隆寺秘佛救世觀音為藍本嘅「救世觀音大尊像」、參考宇治平等院鳳凰堂而建成嘅「阿彌佛堂」等，多座堂塔皆以全國各地古老建築為設計概念，因此耕三寺亦有「西日本日光」之稱。
「耕三寺建築方式」獲日本政府高度評價，同時由純白「未來心之丘」上眺望嘅海景亦係一絕！想要感受日本傳統建築美學以及藝術氣息濃厚嘅世界？嚟耕三寺啦！
耕三寺博物館（耕三寺）
- 交通：瀨戶田港徒步約10分鐘
岡山縣、廣島縣旅行必備良伴：「西遊紀行」瀨戶內地區鐵路周遊券
岡山縣、廣島縣有咁多值得去嘅觀光景點，係咪令到各位選擇困難症發作呢？想輕鬆穿梭各地，買定瀨戶內地區鐵路周遊券傍身就實無死！一pass在手，即包含岡山縣、廣島縣、山口縣及其他瀨戶內地區嘅新幹線、鐵路、巴士（※部分路線除外）5日無限次任搭放題，實屬第一次到瀨戶內地區嘅人必買！
瀨戶內地區鐵路周遊券詳情如下：
https://www.westjr.co.jp/global/tc/ticket/setouchi/
延伸閱讀：
岡山縣：
- 【新手適用】最強新手岡山自由行攻略！5分鐘帶你睇盡熱門觀光景點BEST 3
- 【老手適用】想發掘更多岡山「隱世」秘點？5分鐘帶你睇盡最新玩法BEST 3
- 岡山「好西」、您食過幾多樣？FUN! JAPAN私心推薦岡山縣必試美食BEST 3！
廣島縣：
- 【新手適用】最強新手廣島自由行攻略！5分鐘帶你睇盡熱門觀光景點BEST 3
- 【老手適用】想發掘更多廣島「隱世」秘點？5分鐘帶你睇盡最新玩法BEST 3
- 廣島「好西」、您食過幾多樣？FUN! JAPAN私心推薦岡山縣必試美食BEST 3！
山口縣：
岡山縣×廣島縣：
sponsored by JR西日本
Comments