岡山縣南部面向瀨戶內海，擁有豐富山水天然資源，因此同時亦係白桃、提子等水果嘅著名產地。講起岡山縣，當然就不得不提岡山縣產水果芭菲、津山內臟炒烏冬、千屋牛等豐富美食啦！今次，FUN! JAPAN就會發表各位讀者最感興趣嘅頭3位，而喺文篇最尾嘅部分，我哋仲會介紹埋岡山縣內交通必備嘅「西遊紀行」瀨戶內地區鐵路周遊券㗎！
【第３位】超有咬口！充滿當地特色嘅B級烏冬料理「津山內臟炒烏冬」
岡山縣津山係古時嘅牛肉交易物流重鎮，而當地就流行著一款以新鮮牛隻內臟煮成嘅「內臟炒烏冬」。呢款當地美食以小腸、牛肚、心臟等隨機什錦部位拌以蔬菜、醬油或味噌味特製微辣醬汁製成。遊客可以喺超過50間燒肉店或廣島燒店等搵到呢款當地美食嘅蹤影，材料同調味方式因店舖而異，建議食之前先將內臟同烏冬攪勻，咁先可以食得出最鮮味㗎！
追加玩法
創業120年嘅老字號食堂「橋野食堂」主打以14種材食配以自家製味噌醬汁嘅內臟炒烏冬。店家提供普通、微辣勁激辣共3款醬汁，而內臟則有小腸、瓣胃等幾種選擇。烏冬1人份量盛惠740日圓，但2人前竟然只係賣超級良心價840日圓，仲可以外賣帶走𠻹！
橋野食堂
- 交通：JR東津山站徒步約8分鐘
【第２位】只有喺岡山縣先食得到嘅幻之和牛「千屋牛」
可能各位對「千屋牛」唔係太熟悉，其實佢係一種喺岡山縣新見市飼養嘅黑毛和牛品牌，最威水嘅係佢承傳著日本最古老和牛「蔓牛」嘅血統，松阪牛、神戶牛以至近江牛等名牌和牛嘅都係源自千屋牛！
油花與紅肉分佈無可挑剔之餘，肉身上嘅脂肪比例亦恰到好處，皆因牛隻於山間地區無壓環境下飼養，難怪出產嘅牛肉格外健康、軟腍而且霜降雪花分明。無論係用嚟燒肉、壽司燒、shabushabu或牛排，都一樣非常適合。
追加玩法
由於牛隻出貨量每年只得800隻，而且甚少輸出至縣外，因此千屋牛亦被稱為「幻之牛」。不過想要喺有限嘅選擇內食到A5、A4級夢幻和牛，岡山縣一樣有好選擇！由JA（日本農協）直接經營嘅「農家餐廳JA阿新廣場 燒肉餐廳千屋牛」就係其中一間提供燒肉、牛排、牛肉等豐富和牛料理嘅實力分子，不容錯過！
農家餐廳JA阿新廣場 燒肉餐廳千屋牛
- 交通：JR石蟹站徒步約20分鐘
【第１位】打卡呃like必備！嗜甜女士必食水果芭菲
瀨戶內海氣候溫和，非常適合栽種水果。地理環境如此得天獨厚，難怪岡山縣亦係出產提子、白桃等多種高級水果嘅著名產地！要品嚐高級水果一於就去岡山市內各大水果芭菲專門店食個夠啦！嗜甜嘅您，絕對不容錯過！
必check名物
水果芭菲店如此多，最大共通點就係時令水果傾巢而出！上層先以香印提子、黃金桃、貓眼提子等打頭陣，下層則放有士多啤梨味啫喱等，上上下下全部都係水果！各家店舖對擺盤亦有一番講究，賞心悅目嘅外觀係咪叫人「心心眼」先？
追加玩法
我哋知道為食嘅您又點會甘心只食一杯就返香港！貪吃的人有福了—只要持有從旅行社或市面其他途徑入手嘅「おかやまミニフルーツパフェ食べ歩きクーポン（岡山迷你水果芭菲掃街coupon）」，再到岡山站觀光中心（JR岡山站2樓新幹線閘口旁）或桃太郎觀光大中心（JR岡山站一番街地下1樓），您就可以換取2張試食券、到其中2家指定店舖換領迷你芭菲。
岡山縣旅行必備良伴：「西遊紀行」瀨戶內地區鐵路周遊券
岡山縣又咁多值得去嘅觀光景點，係咪令到各位選擇困難症發作呢？想輕鬆穿梭各地，買定瀨戶內地區鐵路周遊券傍身就實無死！一pass在手，即包含岡山縣、廣島縣、山口縣及其他瀨戶內地區嘅新幹線、鐵路、巴士（※部分路線除外）5日無限次任搭放題，實屬第一次到瀨戶內地區嘅人必買！有關鐵路pass嘅精明用法，我哋將會喺另一篇文章內再作詳細介紹，記住多多支持喇～
瀨戶內地區鐵路周遊券詳情如下：
https://www.westjr.co.jp/global/tc/ticket/setouchi/
延伸閱讀：
岡山縣：
- 【新手適用】最強新手岡山自由行攻略！5分鐘帶你睇盡熱門觀光景點BEST 3
- 【老手適用】想發掘更多岡山「隱世」秘點？5分鐘帶你睇盡最新玩法BEST 3
- 岡山「好西」、您食過幾多樣？FUN! JAPAN私心推薦岡山縣必試美食BEST 3！
廣島縣：
- 【新手適用】最強新手廣島自由行攻略！5分鐘帶你睇盡熱門觀光景點BEST 3
- 【老手適用】想發掘更多廣島「隱世」秘點？5分鐘帶你睇盡最新玩法BEST 3
- 廣島「好西」、您食過幾多樣？FUN! JAPAN私心推薦岡山縣必試美食BEST 3！
山口縣：
岡山縣×廣島縣：
sponsored by JR西日本
Comments