日本京都係新婚夫婦非常熱門嘅渡蜜月旅遊地點。無論係著和服影靚相、美味料理、日本和式風情嘅酒店旅館等等都係對令人印象深刻。今次，就分類為你介紹京都適合渡蜜月嘅推薦景點啦。
去京都渡蜜月想著和服影靚相 去邊好呢？
京都有好多租借和服嘅店舖，一於喺京都著和服影靚相，製造難忘嘅新婚旅行啦！
京都清水寺
清水寺附近有多間租借和服店，短時間租借嘅話2,000～3,000円左右就可以體驗得到。推薦利用清水寺嘅舞台，仁王門前作為背景影相。之後又可以去行清水寺參道嘅二寧圾同產寧圾，著住和服買手信紀念品、食京都甜品小食，享受二人世界。
京都宇治 平等院鳳凰堂
宇治作為京都熱門旅遊地區，都有幾間和服店。嚟到宇治，就推薦到世界遺產嘅平等院鳳凰堂影相。寺院庭園一年四季盛開著櫻花、紫藤、紅葉等唔同花卉，無論邊個季節去都應該可以影到呃Like靚相！
京都新婚旅行去邊間餐廳撐枱腳好？
想喺京都之旅留下難忘回憶，就連餐廳都要揀間充滿京都感覺～
去京都寺廟享用精進料理
精進料理係為佛教徒製作嘅料理，唔用肉類食材，以蔬菜、豆腐、穀物為中心。代表性嘅餐廳例如有位於龍安寺、可以品嚐湯豆腐料理嘅「西源院」，同埋位於知恩院、可以享用「京料理」嘅「和食處 花水庵」。
喺京都嘅高級酒店餐廳用餐
京都市內為迎接來自世界各地嘅遊客，有好多高級酒店聚集於此，而酒店餐廳都非常豪華。晚餐預算以平均每人12,000円，就可以享受優質日式服務同美味料理。例如，提供京料理或意式料理嘅The Ritz-Carlton Kyoto酒店餐廳，仲有擁有美麗日式庭園景嘅Four Seasons Hotel（四季酒店）酒店餐廳都好出名。
夏天就去京都嘅納涼床（川床）
如果想6月至9月去京都渡蜜月嘅話，不妨去體驗一下納涼床（又名川床）！納涼床即係京都料理店特別喺屋外設席，可以一邊聽住潺潺流水聲，一邊享用季節性料理。多數設有納涼床嘅料理店集中喺距離購物景點近嘅鴨川地區，或擁有豐富大自然環境、被稱為奧京都嘅貴船地區。
新婚夫婦去京都渡蜜月住咩酒店好？
新婚夫婦去京都渡蜜月嘅話，住喺擁有靚景嘅酒店房就夠哂浪漫啦！
擁有京都嵐山絕景嘅高級酒店
想睇絕景，推薦被大自然環境包圍、讓人感到放鬆自在嘅嵐山地區。當中，設有內附露天溫泉房間嘅「翠嵐Luxury Collection Hotel, Kyoto」，同埋將擁有百年以上歷史嘅旅館翻新過嘅「星之野京都」都係人氣之選。
夜晚可以邊散步邊欣賞絕景嘅地方
選擇住喺京都市內的話，夜晚有時間推薦去靚夜景嘅地方散一散步。例如祇園地區內嘅高台寺，漫步於燈飾同光影投射之下嘅庭園，十分浪漫。另外，因五重塔而出名嘅東寺喺櫻花季同紅葉季時，夜晚都會亮起燈飾，都係唔可以錯過嘅夜景嚟呀！
Comments