國民動畫「櫻桃小丸子」今年迎接動畫化30周年，為咗慶祝仲決定同埋國民偶像「Hello Kitty」進行合作計劃！
櫻桃小丸子×Hello Kitty 抽獎禮品
首先，第一彈嘅合作計劃，將會由2020年6月初開始推出「永不落空，一定中可愛禮品」嘅一定中「SANRIO抽獎」系列嘅「櫻桃小丸子×Hello Kitty 抽獎禮品」，喺全日本嘅SANRIO專門店、百貨公司嘅SANRIO專櫃、Lawson、Mini Stop、Daily Store及書店等都會有。而於抽獎禮品計劃之後，仲預定有其他合作計劃，大家要期待啊～！
戴上Hello Kitty貓耳嘅超萌設計
今次商品用嘅設計，係小丸子嘅豆上面，會戴上Hello Kitty招牌可愛蝴蝶結，亦有同爺爺友藏一齊，戴上Hello Kitty款式嘅帽，完全活用咗crossover合作嘅特徴。
呢款設計係櫻桃小丸子同Hello Kitty一齊孖公仔去甜品店「Mitsuya」，買樽裝牛奶飲嘅設計。仔細睇真啲，會發現野口同學係店舖後面偷望緊。
另一款設計係小丸子同爺爺以及Hello Kitty一齊去玩嘅款式。大家玩到開心上嚟，爺爺仲為呢個合作計劃作咗首俳句「猫耳を嬉し恥ずかし孫と付け」，意思係戴貓耳係開心嘅怕醜，同孫女一齊戴。
呢啲設計都係Hello Kitty一齊加入櫻桃小丸子嘅日常生活，望落去好似有啲熟眼，但又係全新款好時尚嘅設計。
抽獎有機會中唔同款式嘅禮品
用呢兩種設計款式嘅SANRIO抽獎禮品，將於2020年6月初開始面世。禮品種類包括有可以替換章魚燒同平底鍋嘅「章魚燒&Hot Plate」、印咗好大嘅設計圖案嘅「浴巾」、有啲懷舊時尚嘅扭開款嘅「細斜孭袋」，仲有馬克杯、印花碟、多用途袋仔等，總共有9種日常生活都用到嘅禮品。
咁可愛嘅合作商品，真係煩惱唔知會抽到乜嘢呢！
商品資訊
- 商品名：SANRIO抽獎禮品「櫻桃小丸子×Hello Kitty」
- 價格：抽1次700円（連税）
- 發售日期：由2020年6月初開始 ※依店舖不同，發售開始日期可能不同。
- 發售地點：SANRIO專門店、百貨公司SANRIO專櫃、LAWSON等 ※有部份店舖並無出售
Comments