SANRIO EXPO係展示SANRIO最新產品，同埋公佈SANRIO最近嘅計劃情嘅展覽會。SANRIO EXPO 2020喺2020年2月3日開幕，為期７日。今次 FUN! JAPAN編輯團隊都去咗湊熱鬧，為大家介紹會場嘅盛況。
SANRIO人氣角色迎接
一走入會場，就可以見到好多熟悉嘅SANRIO明星著上啦啦隊服裝出嚟迎接大家光臨。今年會場嘅設計主題係「nakayoku stadium – 為世界加油打氣」，所以可以見到化身成啦啦隊嘅SANRIO明星們為全世界打氣。
Hello Kitty大變身？！
SANRIO嘅招牌「Hello Kitty」今年都預定要喺各大地方繼續活躍。喺SANRIO EXPO入面公佈咗同唔同嘅作品、品牌合作，包括有新幹線戰士 SHINKALION、櫻桃小丸子、矇面超人Decade等等。
另外，Hello Kitty將會進運荷里活，佢嘅荷里活版電影製作正如火如荼進行中！
【相關文章】
My Melody & Little Twin Stars 慶祝45週年
SANIRO嘅超級人氣明星My Melody同埋Little Twin Stars 會一齊喺今年迎接45週年。喺SANRIO EXPO 2020會場亦為佢地設置咗特別專區，展示咗好多全新設計同周邊商品，希望可以同大家一齊慶祝週年紀念。另外，電視動畫《奇幻魔法Melody》中誕生嘅KUROMI亦到迎接15週年啊。
【相關文章】
布甸狗、王桂狗等SANRIO Character大賞人氣角色都好搶眼
玉桂狗嘅展區充滿了各種令人治癒嘅周邊商品～～
非常有精神嘅布甸狗。仲展示了同NMB48合作嘅週邊商品。
另外仲有最近人氣復活上升嘅懷舊明星角色，Keroppi、Tuxedo Sam (踢死兔企鵝SAM)、AP鴨、Pochacco(PC狗)、XO、半人魚(水怪)，一共六位明星組成「はぴだんぶい（hapidanbui）」嘅組合夾BAND，再次喚醒大家嘅集體回憶。
蛋黃哥嘅專區用咗拉麵做主題，仲擺設咗好多同日清雞仔嘅合作商品。
FUN! JAPAN團隊大推的周邊商品！
為了對抗炎夏，預定會推出多款隨身型風扇仔，其中仲有雪糕甜筒嘅特別造型，可愛又清涼，非常適合夏天。
SANRIO嘅偶像追星系列係專為粉絲推出咗多款偶像應援商品。由應援扇嘅收納袋到Toto Bag、仲有放亞加力立牌嘅袋仔等商品種類豐富，帶住鍾意嘅SANRIO去應援鍾意嘅偶像吧！！
另外，有各種商品出產嘅Hello Kitty，居然仲出埋杯麵。無論包裝定入面都勁可愛，係咪好想食哂佢！
KAWAII指數爆表嘅SANRIO EXPO 2020，大家覺得點樣呢？你又最鍾意邊個SANRIO角色？想要買邊款商品呢？歡迎留言分享！
Comments